زوجي العزيز سامحني

احبك يا نمر

اعذريني يا وضحة .. اقصد لوير .. بس احبه .. على هالسالفة وايد لازم يعذروني واولهم حبيبي

مسكين يكسر خاطري .. بس هذا من اهم الاسباب اللي يخليني اموت فيه .. اني اقول كل شي يطري على بالي بدون اي تصنع او اني احسب حساب لاي شي .. احس معاه ان انا نفسي بدون اي رتوش او تكانة مالها داعي :)))

اللي متابع لبوستاتي راح يعرف معاناته زوجي المسكين معاي على سالفة بو وردة

ومن اول رمضان واهوه محذرني .. مابيج تشوفين نمر بن عدوان

ماله خلق تتكرر السوالف اللي اسويها لما اشوف شي رومانسي

للامانة كنت ناوية اسمع كلامه

بس الله يسامح رفيجتي دقت علي وقالت لي الحين الحين تشوفين نمر .. شوفيه شلون يطالع وضحة

اخيه عليك يانمر

ومن يومها وانا من اشد المتابعين للمسلسل ولو اني 3/4 الكلام مو فاهمته

*

*

من الاشياء اللي احرص على متابعتها برمضان برنامج خواطر اللي يعرضونه على ام بي سي

احب البرامج اللي يتكلمون فيها عن الدين لكن بطريقة ثانية

..يعني عن الدين بحياتنا اليومية

يعني عن التصرفات اللي نسويها عن المواقف اللي نصادفها .. والاحلى بالبرنامج ان مقدم البرنامج شاب حاله حالنا

*

*

اليومين اللي طافوا الجو خياااال .. وانا وحدة ماشالله علي كلش ما احب الطلعة

ما خليت الطلعة بقلبي .. اي صح نسيت اقولكم باركولي

اليوم سويت كيك :)))))))))))))

لأول مرة ادخل المطبخ برمضان

جنه الحين قبل كنت ادخل

:P

لا والمشكلة ان الكيكة من النوع اللي كل شي جاهز و اللي علي ان احطهم مع بعض

لول

يعني كلش ما تعبت نفسي

بس والله الكل مدحها

اتوقع غصبن عنهم مدحوني من كثر ما ريلي رفع فيني و ما خله احد ماقاله انه زوجتي اهيه اللي مسويه الكيك :)

بس عاد كيفهم

انا عاجبتني

------

ولهت على قرقيعان قبل

اذكر اني لايام الثانوية وانا اروح اقرقع

اخر مرة رحت كنت بثانية ثانوي تقريبا ثانية وكنت ميمعة اليهال عشان نروح كلنا نقرقع .. طبعا الاهل عبالهم ان انا معاهم عشان اهمه يهال

ما يدرون اني انا اروح اطق باب البيت قبل اليهال

بس في بيت للحين اذكره كل ما امر عنده اندقر

طلعلنا الابو و قعدنا نغني

جان يمسكني يقولي بابا انتي صرتي كبيرة .. خلاص لا تروحين قرقيعان بس عيب

:(((

اندقرت حدي

بس كان قرقيعانهم عجيب

كله كاكاو كشخة :))))

---

---

للاسف بسرعة مر رمضان

وانشالله نحاول نستفيد من الوقت اللي بقى

-

-

قريت جملة عجبتني

حبيت اختم فيها هالبوست

من الخطأ ان تحاول اصلاح الاخطاء المحيطه بك...بينما الخطأ الاكبر والحقيقي في داخلك انت