ماذا اكتب ؟
هل مسكت القلم في يوم عشان تكتب كل اللي تشعر فيه
فخانك الحرف
وخانك التعبير
لان حزنك اكبر من الكتابة ؟
====
احيانا احس اني غريبة
مجموعة اشخاص في شخص واحد .. شكثر اكره المزاج اللي عندي
مرات لما يسألوني هل انتي مزاجية احتار في الاجابة
لان اللي عندي مو مزاجية
اللي عندي جنون
اشعر برغبة شديدة في الكتابة
كثير هي المواضيع اللي تشغل بالي
لكن ماقدر اعبر عن اي شي
---
الايام اللي طافت كنت عاجزة عن التعبير
او بالاصح عاجزة عن مجرد التفكير بالتعبير عن اللي موجود فيني
احساسي
مشاعري
لاني كنت متضايقة
واليوم انا بعد عاجزة عن التعبير
ماقمت اعرف شلون اعبر
مع اني حاليا في قمة السعادة
اكتشفت ان اذا كنت سعيدة جدا او حزينة جدا
اكون عاجزة عن التعبير
والتفكير
========
سأتوقف عن الكتابة
لك
عنك
سأتوقف عن الكتابة عن كل شي
لان كل شي موجود بحياتي لك وعنك
*
posted by PearL at
12:09 AM
20 Comments:
شفييج خيتووو
عساا ما شر صج راح تقاطعيين؟؟؟
عاد كلش ما نقدر نفارق الحبايب
هونيها و تهون عادي شعور الضياع قطيعه هالايام زايد واايد
يارب دوومز تكونين مستانسه و في قمه السعاده
و يبعد عنج الهم و الغم
salamz sweetee....
محظوظ ..!! هذا الذي ستتوقفين عن الكتابه عنه ..!! أختي العزيزه أنا كنت بالسابق لا أكتب ألا وقت الحزن والالم ..!! وذلك لوجود الوقت كافي للكتابه ..!! وما كنت أكتب في أوقات الفرح ..!! وذلك لعدم وجود الوقت للكتابه ..!! ولأني مستمتع بالوقت ولاأريد أضاعة الوقت بالكتابه ..!! وهذا أكبر خطء لاني لا أجد من الشعر الا الحزين ..!! ولكني ألان أكتب الموقف السعيد قبل كتابة الموقف الحزين ..!!؟
مرحبا
اول شي الصورة وااايد حلوة
:
أنا أعتقد إن الشعور بعدم القدرة على الكتابة شعور طبيعي أحيانا خصوصا إذا الشخص كان يبي يكتب عن أحساسه ومشاعره
لأن في الكثير من المشاعر تكون فوق مستوى التعبير
شعور مو ممكن ينوصف بس نحس فيه
:
تحسين إنج مجموعة أشخاص
:)
أنا عن نفسي أعرف هذا الشعور عدل
ودائماً احس فيه
شعور وااايد صعب ومتعب
بس حاولت بالفترة الأخير إني أكتب بأي حالة
يعني ما أفكر بعقلي بس أطالع داخل نفسي وأكتب أي شي أحس فيه
والله أحيانا أستغرب وأقول لا يمكن أكون كتبت هالكلام
لكن هالشي وااايد مريح
:
أخيراً
ودي أقولج إني واايد أحب البوستات إللي تكتبينها من هالنوع
أحس فيها واايد
شكراً لج
بس مافهمت شنو تقصدين بـ سأتوقف عن الكتابة ؟؟
أتمنى إن التوقف يكون بس عن موضوع وااحد
لأن واايد أحب أدش هالمكان وأقرا إللى فيه
:
أتمنالج كل السعادة
احيانا يكون الصمت أبلغ :) كثيرا ما تخذلنا الحرووف
ولكن تبقى الكتابة متنفسا لا يضيق بنا
بالتوفيق
بييييييرل ولهت عليج وايد
لهينا مع رمضان شوي سامحينا
بالنسبه للكتابه الله يسلمج انا عرفت نوعي
من نوع اللي لازم المشاعر عندي و الاحاسيس تتراكم تتراكم و تتكود و تطفح ياااااالله بعدين ينزل الالهام و أكتب شي فجأه
مره واحده بدون سابق انذار
و مرات لأ
تلهمني كتابات معينه أقراها بتوقيت مناسب
لوووووووول اللي يسمعني الحين يقول هذه كتاباتها مسكته ههههههههههه
تدرين بيرل
أنا لو بفكر هل اللي راح أكتبه مفيد او لا عمري ما راح اكتب
الكتابه موهبه يمكن تكون عندي بس الظاهر مدفونه
لووووووول
أعرف أعرف لما المخ يقفلللللل
بس يقولج المخ لا يمكن يتوقف عن التفكير
العمليه مستمرة مادام الانسان عايش
بس انتي لا تحطين ببالج ابي اكتب
صدقييني راح تكتبين و تكتبين بس بالوقت المناسب
:*
سأتوقف عن الكتابة عن كل شي
لان كل شي موجود بحياتي لك وعنك
abbaaaih wow!
استغرب احيانا من ضعف بعض البشر .. واجهي مشاكلك و الامك .. لا تفرين منها و تدعينها تطغى عليك .. كوني ثوريه لمشاعرك جياشه لافكارك .. حتى تصلين مرحله النشوه :)
بركان ثائر
اعرف احساسسسسسسسج بالضبط
افهمه و اعرفه
مثل ما قالوا الشباب
محظوظ اللي كل شي ينكتب
له وعنه
:)
في النهاية الكتابة ثورة على كل شي
على الروتين على المجتمع احيانا
على نفس الانسان على الملل
الكتابة شي جميل
ودمتم بحب وود
وااى نفس الى مرييت فيه بالضبط
ومرات احس ان فينى
مجموعه ناس
الكل يسحب من صوب
ما ادرى من اكتب عنه اى جزء
زحمه ههههه
وقفى احسن من التخبص
:))
خففى الكتابه شوى لما ترتاح نفسج
:**
بنفقدج
5roofa
بعد عمري انتي
لا ماني مقاطعة
بس هذا شعور كان يراودني ان ماكو شي اقدر اكتب عنه
احساسي يمنعني من الكتابة
2 u all
انشالله دايما تكون سعيد يارب
فعلا محظوظ
:)
انا اكتب بالوقت اللي مشاعري تتحمل اني اعبر عنها
بس في اوقات الواحد يمر فيها مايقدر يعبر كلش
بدون سبب
مع ان وايد في مواضيع ببالي
بس الواحد مرات يكون عاجز
بس انشالله فترة وتعدي
7osen
عيونك الحلوة .. تسلم
لأن في الكثير من المشاعر تكون فوق مستوى التعبير
بالضبط هذا اللي احس فيه
مادري ليش حسيت ان تعليقك راح يفهمني ويفهم اللي امر فيه
شكرا لك
على المتابعة الدايمة
سأتوقف بالكتابة عنك ولك
شي طلع مني بنفس اللحظة اللي كنت اكتب فيها
مادري شلون حسيت فيها
مجرد ان كنت بهذيج اللحظة هذا احساسي
نجمة :
صح .. الصمت ابلغ من الكلام
وهي لغة مو الكل يفهمها
وهي لغة انا وايد اتكلم فيها
لكن احيانا احس اني ابي اتكلم بس اعجز عن هالشي
:)
purplicious
ولهت عليج العافية ياقلبي
والله انا بعد ولهانة عليج
الكتابة عندي مزاج
مو دايما يكون موجود :)
بس المشكلة انا ماعندي موهبة
انا مجرد تحلطم
كلش ماكو مشروع كاتبة عندي
لوول
ريفلكشن :
ثانكيو
هالجملة طلعت من قلب
مادري شلون طلعت
بركان :
هذا المفروض
انا ما استسلم لكن مسألة الكتابة عندي مجرد احساس اييني
وهالاحساس مفقود صارله فترة
لوير
بعد عمري انتي
تحسين فيني بدون ما اقول شي
سلوقا بلوقا :
وايد محظوظ
الكتابة فعلا شي جميل
لكن لازم الواحد يحس عشان يكتب
كاريزما
اي والله
كل واحد يسحب من صوب
بس هالمرة شعوري مو كل واحد يسحب من صوب
هالمرة احس ان كلهم قاعدين يتداعمون ببعض
الحمدالله شوي الحين احسن
بس هم يبيلي اوخر
Post a Comment
Subscribe to Post Comments [Atom]
<< Home