فائض
شعور غريب يرادوني
عاطفة
احس بفائض مشاعر
----
-
اتمشى بهالعالم
عالم المدونات .. اقرا الشعر واقرا الخواطر واقرا القصص
عوار قلب
مادري ليش وايد اتأثر لما اقرا القصص
خصوصا القصص
دمعتي بسرعة تنزل
واقعد افكر .. ليش ما قدروا يكملون مع بعض
ليش اضطروا يبعدون عن بعض
مو كافي البلاوي والقصص اللي قاعدة اسمعها من رفيجاتي
يايين انتوا تكملون عليهم
لما اقرا قصة واندمج معاها اقول امبيه حدها تذكرني بفلانة
على طول اتصل عليها و اواسيها وادلعها
عشان ما تحس بالنقص
يستغربون .. شسالفتها هذي شتبي صاحية ولا مو صاحية
...
..
احس ان فيني فائض حنان
ابي ادلع
ابي ادلل
ابي اعوض كل احد حايشته حالة نقص او في قحط حب
شنو السبب مادري
==
احس اني ابي اشوف فيلم هندي حلو ويبجي
او فيلم مصري من الافلام اليديدة
من طقة السلم والثعبان او انت عمري
احس ان ابي اعيش معاهم
بشنو تنصحون ؟
على طاري الافلام
قبل جم يوم كنت قاعدة اطالع فيلم
اسمه griffen & finex
غير ان الفيلم يعور القلب
البطل يعور القلب
يعني المنتجين يعرفون يختارون الممثلين صح لما يبون يسوون فيلم يبجي
بس ما عليه
عقب الفرنسي بو وردة ما قام يهمني احد
اتوقع اهوه السبب بالفائض اللي حايشني هالجم يوم
..
اييي باركولي
ترشيد دقوا علي
الاخت شتقولي
لو سمحتي اختي تأكدوا ان البيلر مسكر عندكم
انتي صاحية .. مينونة
في احد يفتح البيلر بهالخيسة
شناوية علينا
احس ما يدرون شسوون بروحهم
--
احس اني ابي اسولف
مو مهم شنو السوالف لان ادري كل اللي قاعدة اكتبه الحين خرابيط
شخبط شخابيط على قولة نانسي
حاليا قاعدة اسمع هالمقطع
الغريب اني وانا بجنبك غريب لو نحاول نتفق ما نتفق
احب اسمع اغاني
وطبعا ماكو احسن من رويشد
--
-
من اول ما رديت من السفر و نومتي معتفسة
ماذكر متى اخر مرة شفت الشمس فيها بالكويت
انام طول الصبح واقعد بالليل
ما قمت اشوف احد والكل قاعد يتحلطم علي
..
شنو الحل ؟!؟
posted by PearL at
3:12 AM
9 Comments:
سولفي أختي العزيزه طلعي إلي بقلبك ..!! وشيلي الثقل من قلبك ونفسك ..!! وقديماً غنت "رجاء بلمليح" اغنيه جميله تقول في احد مقاطعها ..؟؟
لا تشيلوا شي ثقيله الثقل على الأرض خلوه .. ومن غلط سامحوه ...!!؟
الثقل ..!! مكانه ترى والله على الأرض لا على القلب والنفس ..!!؟
سولفي ..!!! فكلنا أذن صاغيه لما تقولين..!!؟
فضفضى
افا عليج احنا نعين ونعاون
بالشوفه
:)))
تبين نصيحتى؟
طلعى الفائض بزوجج بعيالج اهلج صديقاتج
فلم هندى وابجاى
اى فلم رومانسى
مااكو الا العاافيه
وبيرل استمتعاى بقلبت النومه
الليل حلوو
بس لا اطول الحاله عشان صحتج
:**
احلى ما في كلامج إنه بدون تفكير
بوست وااايد صادق
جميل جداً إللي تشعرين فيه
قليلين الأشخاص إللى عندهم فائض من الحنان
:
الأفلام المصرية القديمة حلوة
طالعي فلم
حب لا يرى الشمس
وااايد حلو أكيد راح يعجبج
loooool
تبين الصج انا نص القصص الي اكتبهم لانه فيني حب و رومنسيه زايده بتطلع من خشمي لوووووول
فعاادي احس حاسه بشعورج و على الافلام الهنديه تبين فلم عوار قلب شوفي
veer-zara
o
salam namasty
اههههه عوااااااار الب لوووووول
و انا والله دوام قمت انصقع بالشمس من الحين
بس والله يا حلات نومت الصبح تهبلللل
لووول اتهني فيها
salamz love....
الفضفضة وايد زينه
المهم الواحد يكتب وبس
بس انا صايره مثلج دمعتى ابدا مطرفه
ادناة الدون انزلت....وخصوصا عند فراق الاحبه
اما سالفة النوم متخلبط عندى
واقول ما كو الابعد رمضان ....؟؟؟
بس هذا اول مره تصير عندى هللخبطه
واذا لقيتى الحل علمينى
احم احم
جني حسيت قصدج احد
عسى مو انا؟
ترا انا ما قصدت شي ببوستي الاخير
ضميري قام يأنبني وهو كله بوست
يبته من تجميع افكاري لاكثر من موقف
بس مادري اشفينا صايرين نحب عوار القلب
:)
وبعدين انتي والله كنز
يا ليتج والله رفيّجتي
وين يحصلون مثلج تطيبين الخاطر وتدللين؟
انيت بس خلي نيتج ادخال السرور على قلب مسلم
وكشف كربه عن مسكين
:)
على الاقل فيها اجر
واما فائض المشاعر وارتفاع منسوب الحب فهذا تأُير بو ورده وقلبه النومه اللي مالها حل
وا1ا لقيتي قولي لي
:)
الحل بترشيد النوم
:)
الحين ما عرفنا
المطرب المفضل
عبدالله رويشد
ولا كاظم الساهر
!!
ودمتم بحب وود
2 u all
المشكلة لما تييني هالحالة سوالفي تطلع عبارة عن خرابيط
ماكو موضوع معين مهم
هذي المشكلة
=========
كاريزما :
مو عشان جذي ابيكم تنصحوني بافلام :)
وهالحالة مطلعتها عدل بريلي و اهلي ورفيجاتي
:)
=====
7osen :
ماحب لما يطلع كلامي جذي
احسه ممل ومخربط وماله معنى
لازم استغل الطفرة اللي صايرة الحين :)))
ثانكس على الاقتراح
خروفا :
المشكلة ان ماعندي القدرة على تأليف القصص
ولا جان بدعت :))))
شفت فير زارا بس الثاني ما اتوقع شفته
يبيله :)
=====
بنت الشامية :
الدموع مشكلتها مشكلة والله
اما عن النومة
غصبن عليها بعد رمضان تتعدل
لان راح ارد الدوام
=========
استكانة
اي انتي بوستج حده سبب مشكلة
مادري ادق على منو ولا منوو اواسيه
وايد عندنا هالمشكلة
اي والله بو وردة تأثيره عجيب
=====
سلوقا بلوقا
شكلي بستمتع لين تخلص اجازتي :)
مطربي المفضل رويشد
بس كاظم حالة خاصة
لانه مو مطرب
لان كلامه يقصدني فيه
عشان جذي ما اعتبره مطربي المفضل
Post a Comment
Subscribe to Post Comments [Atom]
<< Home