رومانسية

في ليلة من الليالي اللي كنت فيها في باريس

قرروا اللي معاي انهم يبون يروحون حفلة الجسمي

وانا حدي ما كان لي خلق اروح مع انه من المطربين المفضلين عندي

=

=

الكل راح و بس ارتحت شوي تحسفت اني ما رحت معاهم

فقررت اني اروح اقعد تحت برج ايفل

لبست و حطيت مكياجي و خذيت لي تاكسي لهناك

الوقت مو وايد متاخر

بس ما كان في وايد ناس

فخذيت راحتي و نمت على الزرع وقعدت اطالع برج ايفل فوقي

-

المنظر حده عجيب

احس ان المكان حده رومانسي

--

فجأة اييني فارس الاحلام

فرنسي اينن

ما شفت بجماله احد ماشالله .. سبحان اللي خلقه

مادري من وين طلع

ما كان موجود بالمكان

و يعطيني وردة حمرا

طالعته منصدمة

لا مو منصدمة

منثولة

..

جان يقولي بونسوار

و قام يكلمني بالفرنسي

وانا اطالعه ومنصدمة من جمالة ومنصدمة عالموقف ومنصدمة لان مو فاهمه ولا كلمة قاعد يقولها

-

بعد عمري حس باني مو فاهمه شي جان يكلمني انجليزي مكسر

this is for you my beautiful lady

وذلف

-

-

وانا منذهلة بالموقف .. ياربي قلنا باريس مدينة الرومانسية بس ان رياييلهم الرومانسيين جذي مقططين بالشارع ما توقعت

اهم شي رديت الفندق وبيدي وردة حمرا .. وطول السفرة وانا اعاير زوجي فيها

حتى رفيجتي قامت تعاير زوجها فيه

لدرجة لما رديت الكويت بيتي كله ورد .. موصي امه تترس لي البيت عشان اسكت شوي

حرام كسر خاطري

حسيت بالذنب

-

-

====

في كتاب قاعدة اقراه حده عجيب

اسمه the secret

نصيحة الكل لازم يقراه لان صج يعدل نوعية الحياة اللي الواحد يعيشها