THE SECRET

فلانة اللي غلطت علي راح تدق وتعتذر ..

هالرمضان ما راح احس باليوع كلش و ماراح آكل

الجو يمكن يكون حار لكني ماراح احس فيه

في اشخاص معينين اخسروني واخسروا صداقتي وراح يتحسفون

عذري مو مقبول لكنه راح ينقبل بكل بساطة

انا مو تعبانة ومو مريضة وراح انام واقعد الصبح وماراح يكون فيني ولا شي

--

-

مو هلوسة مو خرفنة

هذي اشياء كنت اقولها بيني وبين نفسي وصارت

كنت فعلا مقتنعة فيها وصارت

شعور حلو لما الانسان يقتنع بفكرة
وتصير

يصير كل اللي بباله

صارلي جم يوم قاعدة اقرا هالكتاب

و مع ان فكرته كنت احسها مينونة لو كنت سامعتها من اي احد

لكن بمجرد اني قريت الكتاب وقمت افكر من ناحية ايجابية كل شي قاعدة افكر فيه يصير لي

-

سبحان الله غريب هالجسم

شلون فيه طاقة و مغناطيس عجيب

الكتاب يقول ان الجسم عبارة عن مغناطيس يجذب الافكار و المواقف لك

اذا افكارك كانت سوداوية

راح تجذب الشحنات السالبة والطاقة السالبة

وكل شي راح يصير لك راح يكون مأساة

لازم تفكيرك دايما يكون ايجابي ومتفائل

واذا تبي شي لازم تحطه براسك

لازم تركز عليه

لازم تقتنع فيه قناعة كبيرة

وراح يصير

صدقوني راح يصير

-

-

Thought Become Things

-

جربوها صدقوني راح تصير معاكم مثل ما صارت معاي

============================

============================

============================

ماصار له وايد

بس هالرمضان مو حاسة فيه كلش

ما احس انه رمضان

مو قاعدة اداوم

الصبح كله نايمة

سهر للفير

اقرا كتاب

اجابل بنتي

مطبخ ما ادخل له

تلفزيون ما شفته

غريبة شلون الانسان يتغير مع الكبر

الواحد ما يحس فيها الا اذا لزم بريك و فكر بالوضع اللي قاعد يصير عدل

رمضان اللي طاف كان احلى رمضان مر علي بحياتي

و اللي مضيق خلقي ان ادري انه مستحيل ينعاد

كل شي حلو صارلي فيه

مع اني كنت مقصرة من ناحية العايلة

ومع ان بالعيد ولدت

لكنه كان غير

مواقفه و الناس اللي تعرفت عليهم

مستحيل انساهم

ومستحيل انسى رمضان 2006

-

حاليا ابي اكتب بوست يديد

مو مهم شنو

حتى لو كان خرابيط

صارلي فترة ما اكتب شي مفيد

كل اللي اكتبه عبارة عن افكار قاعدة تمر ببالي قبل ما انام

صج انه شهر واحد بالسنة

وصج ان احلى شهر عندي بالسنة

بس راح اظل اكتب اللي ابيه

راح اظل اقول اللي افكر فيه

لان ادري في ناس عندهم القدرة انهم يكتبون برمضان عن رمضان احسن مني

-

تصبحون على خير