I'M BACK

انا رجعت بالسلامة

اهم شي بالسلامة

صج بهالسفرة تمعنت بكلمة تروحين وتردين بالسلامة

ما كنت حاسة بمعناها قبل

==

اول شي وايد ولهت على بلوقي العزيز و ولهت ان اقرا بلوقاتكم

انزين شدعوة لما كنت بالكويت كنتي وايد متعيزين تكتبون وبالاسبوعين يالله يطلع بوست واحد يديد

لما سافرت وكلها اسبوعين اشوف البوستات ماشالله

مادري على شنو اعلق

بس شي حلو :)

اللي رجع من السفر بقوله حمدالله عالسلامة

واللي كان عيد ميلاده بقوله كل عام وانت بألف خير

====

شنو اخر اخبار الديرة ؟؟ و منو بشار الصايغ وشسالفته ؟

=======

اكثر شي احبه لما ارجع الكويت اسمع شكثر مكاني كان خالي

سفرتي من اولها كانت نـــحـــــــــــــــــــــــــــــس

او باختصار كلش ما كنت مترقعة فيها

-

-

هالسفرة كانت غير عن سفراتي من اول ما تزوجت

لان اول مرة نسافر كبلز

انا وزوجي و اعز رفيجاتي وزوجها اللي اهوه رفيج زوجي

--

--

دايما لما اسافر في قلادة لازم البسها لان وايد اتفاءل فيها و احسها تييب لي الحظ

بمطار الكويت القلادة انقطعت

والصدمة انها انقطعت بطريقة غريبة .. فجأة طاحت والحل الوحيد معاها اقطها

قلت ما عليه

ادور لي شي ثاني اتفاءل فيه

وانا امشي بالمطار وانتوا بكرامة الكعب اللي انا لابسته ينكسر

وانا واقفة بالنص

و مابقا على الطيارة الا ثلث ساعة و يسكرون البوابة يعني كلش ماكو مجال اخلي احد اييبلي من البيت شي البسه

الحل اني اشتري اي شي من المطار والبسه

وهذي كانت مهمة رفيجتي المسكينة

راحت كل المحلات ماكو ولا محل في قياس 39

بالاخير لقينا نعال بحر

هذا الوحيد اللي نفع

===

=

بالطيارة كلش ما قدرت انام

و وصلنا باريس الساعة 9 الصبح

و chick in

بالفندق الساعة 3 و ماكو اي مجال يدخلونا الغرف لان فل

وانا صاير لي 30 ساعة مواصلة

ماكو الا ان نحط اغراضنا و نتمشى لين الساعة 3

==

هالسفرة وايد كانت وناسة

و كانت وايد غير

بس وايد كانت متعبة

و وايد ما ترقعت فيها

اهي كاميرا الفيديو اللي انباقت

اهو الميموري كارد في كاميرتي علق علي

اهو الفلاش بالكاميرا ما كان راضي يشتغل وما صورت ولا صورة بالليل في باريس

اهوه التهاب حاش مفاصلي

عشان جذي حسيت بمعنى كل تروحين وترجعين بالسلامة

--

--

احس وايد مخي متخربط

و البوست هذا وايد لوية

بس ماعليه تتعوض انشالله :)