شي ما تعرفونه عني

احبه حب مو طبيعي .. من وانا صغيرة وكلماته تدخل قلبي قبل ما تدخل اذني
كل كلمة يقولها بكلامه احس انها موجهة لي انا وبس
----
حبي له الكل عارضه والكل تطنز ومحد مصدق ان من صجي
الكل متوقع اني اتغشمر
امي خذتني على عقلي .. ولما تشوفه تناديه النسيب
ابوي ما يواطنه و يعصب اذا تكلمت عنه
بس ما كنت اتحمل اخش حبه بقلبي
كل مكان كنت اتكلم عنه
والكل خذاني على قد عقلي بس كنت اسكت واحطها بقلبي
مو مهم يعرفون شكثر احبك
المهم انا اعرف شكثر احبك
المشكلة انت ما تعرف شكثر احبك
...
حتى ريلي يعرف شكثر احبه
مسكين متحمل الوضع كالعادة وساكت
لما ازعل من ريلي اعايره بحبيبي .. اقوله اهوه ولا مرة قاللي جذي
يعصب و يسب حبيبي بس اسوي نفسي ما سمعت
...
هالسنة لما كنت بباريس كنت دايما امر عند شقته
اوقف واطالعها .. مو موجود
انطره واقول يارب يطل علي
بس ابيه يشوفني
مابي ولا شي ثاني .. بس ابي اقوله عن شعوري تجاهه
بس ابيه يوقف جدامي
اتوقع اذا شفته راح ابجي
راح اصير مينونة
و قايله حق الكل ان اذا شفته لحد يلومني على اي شي راح اسويه
..
كل كلمة قالها احسه يقوللي ياها
قولي احبك
احبيني بلا عقد
زيديني عشقا
صباحك سكر
ها حبيبي
لا تتنهد
اني احبك

====

احبه بس حبي له حب مستحيل
ماكو مستقبل كلش

--

-