اشوفكم على خير

- خلصتي كل شغلج ؟ جهزتي جنطتج ؟

- اي حبيبي كل شي جاهز .. من زمان حاطة كل اغراضي بالجنطة

اسكر سماعة التلفون

الحديث كان بيني وبين زوجي

موعد السفر باجر من الكويت لين باريس

اطالع جنطتي الموجودة جدامي .. فاضية مافيها ولا شي

للحين ما حطيت فيها ولا شي

فيني برود مو طبيعي من هالناحية

كل شي حزة الحزة

قبل ما اتزوج امي كانت تتوقع ان اذا سافرت و درست بره راح اعتمد على نفسي شوي واكون قد المسؤولية من هالناحية

سافرت ورديت وانا مثل ما انا بهالشي

--

--

توقعت ان اذا تزوجت راح احس على دمي شوي بس هم ماكو فايدة

-

اتوقع ان صعب الواحد يغير من طبعه

وانا طبعي جذي .. دايما اخر وحدة اجهز اغراضي

قلبي ميت من هالناحية

---

--

يتصل علي اخوي

- شقاعدة تسوين ؟

- قاعدة ارتب جنطتي .. للحين مو جايستها

- يايب فيلم فير زارا .. شرايج تشوفينه معاي

طبعا كالعادة اذا عندي شي لازم اسويه

يكون عندي كامل الاستعداد اني اسوي كل شي ما عداه

سواء ايام الكلية لما يكون عندي امتحانات

سواء لما يصير شي يجبرني اني اخلصه مبجر

دايما ادور شي ثاني

سبحان الله ينزل علي الوحي اني اسوي كل شي ما عدا الشي اللي المفروض اسويه

بس بصراحة الفيلم ما يتطوف

شفته مرة بس ما شفته عدل .. كنت مشغولة بشي ثاني

يعني لازم اشوفه عدل هالمرة

---

---

-

حاليا الساعة 3 الفير .. وجنطتي للحين فاضية

بنطر وبشوف

لعل وعسى ينزل علي الوحي ويخليني اجهزها

-

-

اشوفكم على خير

و سامحوني عالقصور