الفجر البعيد

حالة ضياع

الساعة 3.50 الفير

يجافيني النوم واقعد افكر بكل اللي مر بحياتي

احلى الذكريات و اسوأها

شكثر اكره هالشعور

----

----

احاول الهي نفسي

افتح التلفزيون على قنواتي المفضلة

nothing

احاول اقرا قصة مرتفعات وذرنغ للمرة الرابعة

ماقدر

اطل على جوا واراقبها واهيه نايمة

اشوفها تبتسم واهيه نايمة

احسدها

اي نعم احسدها

ما تعاني من حالة الضياع اللي اعيش فيها بهالوقت

نايمة بهدوء و مو حاسة بشي

---

---

احاول انام مرة ثانية

بس النوم مجافيني

اقعد افكر

شنو اكثر شعور مؤلم ممكن يحس فيه الانسان

الظلم ؟

لا .. الله ياخذ بحق المظلوم

العجز ؟

كل عجز يحس فيه الانسان ممكن يعوضه بشي ثاني

الخيانة ؟

مؤلمة لكن مو بالدرجة اللي ترشحها انها تكون اكثر شعور مؤلم

الشوق

اي نعم الشوق .. اكثر شعور مؤلم يحس فيه الشخص

الشوق لشخص مو موجود

شخص تجمعه معاك احلى ذكريات مرت بعمرك

----

----

ما عجبني الموضوع

رحت وجابلت التسريحة

مواجهة المنظرة بهالحال المزري توجع

تخلي الشخص يشوف اللي ما يبي يشوفه

انتبه على الدب اللي حاطة صورته بالبوست

و شنو يعني لي

--

--

من اول ما عرفته

كل مناسبة بيني وبينه كانت تحمل كرت يعبر عن المناسبة تحمل صورة هالدب

اول سفرة سافرها وكان بعيد عني

اول ما رجع كان شاريلي الدب مو الكرت

مجرد انه يحسسني انه يذكرني

صار رمز بيني وبينه

كل ما اشوفه بمكان وباي دولة ازورها

لازم اشتري منه

souvenir

--

--

افكر بأي شي ممكن يلهيني

ابي انحاش من الافكار اللي قاعدة تراودني

احاول اجهز جنطة السفر

بس ماقدر

لان كل شغلي حده حده

مو متعودة اجهز من قبل

ادخل المدونات واقرا الموجود

يوصلني ايميل اهداء منه

i'm thinking of you .. and miss u so much .. i'm sorry cuz i didn't call you 2day

i was busy and i think you r sleeping now .. Sweet dreams babaty

لا شعوريا حسيت براحة فجأة

ونمت بدون ما احس

===

====

نامت عيونك

وصحى الليل مظنونك أغاني

قصّت جناح الثواني غيبتك

وصارت الساعة أماني
وآهـ ..آه

ـأنا حروفي في غيابك

لا هي حكي ولا هي قصيد

أكتب الظلما وأعيد

وإنت يالفجر البعيد .. نامت عيونك

إسهر معي ليلة

حاول تحس بلوعتي ليلة

عد النجوم وش كثرها.. ياللي بقلبي كثرها

نام .. القمر فـ وسادتك نام

ليتك تغير عادتك

خل القمر ليله.. يسهر معي ليله

وانت ياالفجر البعيد.. نامت عيونك