رومانسية
كنت قاعدة اقرا بوست لوير الاخير
" الرومانسية لحظات مو كلمات "
وعجبني البوست مع اني حدي مستغربة منه
هل صج في ناس مافي رومانسية بحياتهم !!
يعني صح الرومانسية مو كلمات لكن لازم الواحد يحس شوي
مشكلة انعدام الرومانسية موجودة وبكثرة بين الرياييل
بس انصدمت اني اسمع من انثى انها مو رومانسية
لاني اشوف ان عدم اهتمام الريال بالرومانسية يعوضه اهتمام المراة
عشان يكون في توازن بحياتهم
ما تكون حياتهم ناشفة
وبصراحة الله لا يكثر من الناس اللي مافي رومانسية بحياتهم
( سوري لوير لا تزعلين مني )
بس الرومانسية بحياتنا من اهم الاشياء .. لانها وايد تساعد الواحد ان نفسيته ترتاح
وتساعد ان المشاكل تخف .. وتخلي الحيا ة حلوة بكل بساطة
بالنسبة لي الرومانسية موجودة بكل جزء فيني ومع الكل و بكل تصرفاتي ابينها
الرومانسية صح مو كلمات بس
لكنها تصرفات و انفعالات و مواقف
بين صديقاتي انا الخبيرة في المفاجآت الرومانسية
يمكن عشان جذي وايد منهم يلجؤون لي بمناسباتهم العاطفية :)
اللي خلاني اتكلم اليوم عن الرومانسية
غير بوست لوير
الجو العجيب هاليومين ...
هل الجو يأثر بعواطفنا وانفعالاتنا ؟
لاني ملاحظة العواطف الجياشة هالجم يوم في قمتها
الكل مستانس والكل عايش بحب
شنو تأثير الجو على الرومانسية !!!
posted by PearL at
9:35 PM
14 Comments:
أنا بتكلم عن الرومانسيه بحياتي
الحب شي أساسي في حياتي و ما أحب أي حب ، لازم الحب العنيف بعد إللي يعكسه موقف و تصرف و موقف رجولي
لوير متروسه رومانس و إلا جان ما نقدر إنعاشرها يوم أنا و كيتي
لأن أثنينا رومانسيين
بس كل واحد فينا يحبه و يعبر عنه بطريقه مختلفه تماما علي حسب إللي جدامه
يعني مو معقوله زوجي داش من الدوام و معصب و بقوله
ها حياتي؟ ها حبيبي؟ تناجرت و لييش؟ بطريقع سمحيلي أملق بعد أملق
ساعات لما إتيبين البانادول حق زوجج و أهو بانادول بس في وقتها يحس إنج مهتمه في و الإهتمام رومانسيه
أكو ريال يحسج قمه بالرومانسيه ليه سويتيله شي بيدج
و إلا يبتيله ماي
و إلا خليتي الجو حلو و شموع عشان يتابه العربيه
يعني يختلف المفهوم بين أثنين و بطريقه التعبير
و لو تقرين بوست لوير و أنا دقيت عليها و قتلها هالموضوع إن كلامها قمة بالرومانسيه
ليييش؟
في شي أهم من الكلام
المشاركه بإللي يحبه الريال
فبالنسبه حق الريال هذي المرا لا تصعد و لا تنزل و إتعمي عينه إني يطالع برة
هذرت وايد ، بس تم مناقشه الموضوع خارج البلوقات
و لهذا السبب سكرت لوير الكومنت ، لأنها تدري أن المعلقين راح يفهمون كلامها غلط
في فرق بين المشاعر الجياشة و دفئ الاحاسيس و بين الرومانسيه البحته !
الجو مأثر علينا و على قلوبنا و على مشاعرنا .. الحب رصيده يزيد ممكن .. لكن مو شرط يطلع هذا الحب بشكل رومانسي بحت
تراكافي نظره صادقة و الا ضحكه ..
كافي اللي يحب يكرس وقته حق اللي وياه يطلعون يسولفون يضحكون بدون تكلف و بدون احساس بالوقت و العالم
مو شرط ماسك ايدها و لاصقه فيه و صاكين الليتات و شابين شموع و هات يا كلام حلو و غزل و و و و
يعني انا وحده ماحب هالسوالف كلش .. الرومانسيه درجات و تعاريف و تختلف من شخص لي شخص
اوكي قد ممكن ها اوكي اقبلها بقدر قليل او معقول بالسنه حسنه
لكن اني احن على الريال عشانها و الا اغلق اذا ما سمعني كلمه حلوة و الا قععد يمدح فيني و يتغزل
اصلا احسه يجذب ههه لو صاج بحس بهالشي بعيونه بتصرفاته باسلوب معاملته معاي و جذي مو بالحجي و الشموع و اللصقة
انا اتعجب من اللي يحلمون و يتشرقون بذيج الليالي على ضوء الشموع و الموسيقى الكلاسيك و الغزل و و و
الظلمه تييب لي القامت لو مع منو و الغزل و التمدح و الكلام الرومانسي يمللني لا و يشككني بعد ههه
يعني صج لو ياني ريل بيرتاح من هالناحيه عمري ماراح اتحلطم ان ما تغزل فيني و الا ما قعد يمدح بالطلعه و الدخله و الا مالاحظ شعري و عد فيني قصيد! و الا ما مسك ايدي بالمكان الفلاني و ما سوينا و خلينا و وو و الا كلش مابي و لا يهمني مووووليه
الخلاصة الرومانسية و تعريفها تختلف من شخص الى شخص
و المعنى و التعريف الدارج لها قد يناسب البعض و قد يسبب الضجر للبعض
يقال
romance is tell romantic or exaggerated lies !
يعني افتر اوول اتز ا لاي .. مابيها اذا مو صج و مو من القلب
romance is talk or behave amorously, without serious intentions
tsk tsk tsk :|
بوست حلو عذرينا هلى القرقة :D
ريم :
انا قلت ان الرومانسية مو بس بالكلام
بالعكس الرومانسية تكون احلى لما ما يكون فيها كلام
والتعبير بالويه و التصرفات اهيه اللي تبين
انا مو قاعدة اغلط على لوير او انقدها
انا قاعدة اتكلم عن شي توني اكتشف انه موجود
ان انثى ما تهتم بهالسوالف
وبس
وبالعكس بوستها وايد عجبني وحسيت فيه صراحة وبراءة بنفس الوقت
ولو ماعجبني ما كنت فكرت اكتب بوست عنه
و في بوست لوير انا وايد اوافقها باشياء ان التصرفات او الكلام لازم يطلع من الشخص بكيفه
مو احد يقوله ليش ما تسويلي
لان التصرفات تييب التصرفات
بالعكس قمة الرومانسية بيني وبين زوجي التصرفات اللي قالت عنها لوير بآخر بوستها
المواقف او اللحظات هذي
مو كلمة او جملة او غزل
لكن كفكرة عامة
انا استغربت من البوست
مشكورة عالرد
Cr8ivia :
هذا اللي انا اقصده والله
الحب مو كلام
لان لو كلام جان الكل عايش قصة حب
بالعكس انا ضد ان الواحد يقول كلام بلحظة واهوه مو حاس فيها
واصدق الحب اللي تقراه بالعيون
واكيد الرومانسية تختلف من شخص للثاني
في ناس يشوفونه بس كلام وحب وغزل طول الوقت
وفي ناس تصرفات ومواقف
وفي ناس لحظات وعشرة
وانا ما اقصد شي بهالبوست كلش
غير ان في اشياء الواحد يكتشفها
و الواحد يدخل البلوقات عشان يتعلم عن الناس اكثر
:)
وحلاة الرومانسية تطلع من القلب
تطلع بروحها و تكونين مو متوقعتها
ثانكيو عالرد
وبالعكس اخذي راحتج
العزيزه الغاليه بيرل
اول شي بعتب عليج على كلمه سوري
ليش سوري على شنوووووو!!
اخذي راحتج
افا عليج عاد انتي الغاليه :)
سامحيني ما راح امدح وايد يغارون
هههههههههههه
خليني ابسط الامر وايد
شنو الرومانسيه؟
لحظات حلوه تعيشنيها مع من تحبين؟؟
صح ؟؟
هذي اللحظات
شذاها يعطر حياتج و ينثره في يومج كله
يعني لو قمتي الصبح على بوسه
يومج كله اينن
اصلا تضحكين و توزعين ابتسامات من غير ما تدرين ليش؟؟
صح
؟؟
لو كنتي مسافره
و تتمشين ويا ريلج في الجو الحلو
و قعدتوا في كافيريا اكلتو ايس كريم
و ضحكتو و سولفتو
اهني لحظات رومانسيه صح؟
انا معاج في هذا كله
لكن يا اختي باختصار
انا لست زوجه
و لست حبيبه
و ليس لي حتى ظل اخر
مو جزء اخر
هذا الشي
من كثر ماانتي تفتقرينه
ما تحسين ان اي شي له طعم
الكل يظن لوير تحب و عندها حبيب
و الكل يظن وايد شغلات
لكن يبقى الواقع
و قلت لها لج الرومانسيه لحظات
و مواقف
يمكن انا بنفسي لوير يتغير كلامي بعد سنه
لو ترجعين لبوستاتي القديمه
اتلاقيييين وجود حبيب في حياتي
و راح تلاحظين حجم التدقر
فيمكن رده فعل عكسيه تكون بحياتي
ان اكون بعيده كل البعد عن الرومانسيه نتيجه خيبات اممل و انعكاسات
انا اكثر انسانه ضيعتني الرومانسيه
يمكن هذرت عليج وايد
بس اتمنى توصل الفكره
الجو عافسنا عفيسه
:)
انا وياج بأن الرومانسيه لازم
اتعبر عنها بكلمة بنظرة بموقف
والحياه من غيرها تصير ناشفه جامده
موضوع حلو
مشكورة
تأثير الجو على المشاعر تأثير كبير
والاجواء هالايام حدها رومنسيه
منو اللى يقول ان الرومنسيه منعدمه بين الريايل
دائما ظالمين الريايل
المشاعر ماهي حكر على اي جنس
المشاعر داخل القلوب ،، والقلوب عند الرجال وعند النساء
انا اوافقج الرأي اميه بالاميه ان الرومنسيه تساعد على الراحه النفسيه
وتخلي الحياه حلوه وبسيطه
واصلا شنو الحياه من غير مشاعر حلووه
لحظات جميله
احاسيس مميزه
حب متبادل
شعور جارف
اشواق متوقده
حنان
عطف
رقه
الحياه بدون كل هالاشياء ،،،تصير وااايد جافه 0
موضوع متميز
ولايق مع الاجواء
موفقه انشاءالله
الجو عندنا خلقلنا الاعصاب والجو عند اهل الجو خلقلهم الذوق وبروده الحنيه
lawyer
ياقلبي
انا موضوعي مو كاتبته عشان انتقدج
انا كاتبته مجرد موضوع انه كنت اتوقع كل البنات فيهم جزء كبير من الرومانسية
حتى لو ما كان في احد بحياتهم
:)
وانشالله اييج اللي يستاهل
كيتي :
وصلت الفكرة :)
صح الرومانسية تختلف من شخص لشخص
سالفة قلب :
الجو حاده عافسنا
روحي قعدي عالبحر وسمعي صوت الموج
بهالجو
عوار قلب
ثانكيو عالرد
براك :
ما تشوف حالنا اعتفس اول ما صار الجو حلوو
:):)
بس مو شرط
لندني :
اي الجو حده على اسمك :)
واتوقع هالايام هذا نقاش الكل
الجو شمسوي فينا :)
انشالله دوم
املق
منو فاضي علشان يعيش رومانسية يبا احنا كويتيين اهل بحر الجو عندنا حار ومرات مغبر ورطب
واكون بعد رومانسية من صج مالي خلق اقول كلام حلو او اسوي جو
والله اشوف مع الريل مسلسل درب الزلق اروع شي
او مثلا نكون في البيت نخطط حق المستقبل قمة في الرومانسية لان معناته ان قاعدين نشوف حياتنا ويا بعض لما نكبر
بس والله نروح كافية ونشرب قهوه والناش تشوفنا ليش ماعندنا بيت يسترنا اقول لوير تعجبيني
ويا ناس يا شين خشيم ما شابهه اهلهه
Post a Comment
Subscribe to Post Comments [Atom]
<< Home