انتي حلم

انتظرتك عمري كله وانتي حلم

ومرت الايام والله وانتي حلم

ليه تأخرتي علي ؟

.توهي مرة واسألي

..كوني في غير الزمان والا في غير المكان

كوني عمري

عمري كله اللي باقي واللي كان.

.انتظرتك عمري كله .. عمري كله وانتي حلم

.. كل نجمة شعشعت والقلب عتمة .. كانت انتي

..كل حرف حرك شفاهي .. عنك انتي

كل حبي اللي مضى والحب قسمة..منك انتي..

كانوا الاحباب ظلك .. بعض احساسك ونورك.

.ماعرفتك يوم كلك

.. ياللي في غيابك حضورك

..انتظرتك عمري كلهوانتي حلم

. هذا انتي !.

قولي والله انه انتي

. وين غبتي عني هذا الوقت كله ..وين كنتي !

شيبت عيني طيوفك

وما اصدق اني اشوفك

ياللي قلبي في كفوفك نقش حنة

.. وفي جديلك عطر ورد

اتمنى

لو تكوني في فراغ عيوني وعني

وفي سموم ضلوعي برد

..ليه تأخرتي علي وما طرى لك تسألي

ليه تأخرتي علي وما طرى لك تسألي

انتظرتك عمري كله

عمري كله وانتي حلم.

.

.

بدر بن عبدالمحسن