اخوي الصغير

الوحيد

اخر العنقود

عبدالله

*

*

لما كان موجود بيننا كنا وايد نتناجر ونتهاوش

وبنفس الوقت كنا وايد مع بعض

اغلب المواقف

اغلب الدقات سويناها مع بعض

وصج الواحد ما يحس بقيمة الشي الا اذا فقده

عقب ما راح حسيت اني فقدت شي كبير

و ان الاخو عمره ما يتعوض

حتى لو كان دعلة :)

*

*

مو بس البيت فقده

اكتشفت ان حتى العايلة فاقدته

كان من النوع اللي يتوالم مع الكل

والكل يحبه

يمكن لانه كان وايد حركي

ودمه خفيف وغشمرجي

وعقب ما راح حسينا بمكانه حيل

*

*

هذا اول رمضان ما يكون فيه معانا

بس حاولت كثر ما اقدر اتواصل معاه بالتلفون والانترنت

واول عيد يمر وما يكون معانا

وانشالله يكون اخر عيد

لاني حيل فاقدته

*

*

حاليا يدرس بامريكا

لوس انجلوس -كاليفورنيا

وانا كاتبة هالبوست

واتمنى انه يقراه

واتمنى انه يخلص دراسته بسرعة ويرد واهو رافع راسنا كلنا بالشهادة

لان بصراحة ولهت لى نجرتنا