قرقيعان و قرقيعان بيت قصير ورميضان

اسمحولي

مالقيت صورة عن القرقيعان :)

*

*

بصراحة الوضع صار مهزلة

هاليومين بيتي انترس من القرقيعان اللي يايبينه لي

من ولد فلانة ومن بنت علانة

استغربت من الفخفخة و الكشخة الزيادة عن اللزوم حق القرقيعان

اللي رايحة شاريتلها من باتشي

واللي شاريتلها صناديق من ذ ون

شسالفة ؟!! شصاير بالدنيا

ليش العادة الحلوة هذي تغيرت

حتى ودي اصور اليهال واهمه يقرقعون لان بعد جم سنة متأكدة ما راح اشوفهم

*
*
القرقيعان اصلا لليهال مو للكبار

اليهال يروحون يفترون من بيت لبيت واهمه يغنون اغاني القرقيعان

الاولاد لهم اغاني

والبنات لهم اغاني

الوضع كان حده حلو وممتع

كل اليهال كانوا يبون يقرقعون

مع ملابسهم مع جياسهم

بس الحين !!

الوضع صاير غريب

ملابس من مصممين

و قرقيعان من مادري وين

ولازم تصير حفلة قرقيعان

ومن وين لوين نشوف يهال يطقون علينا الباب ويقرقعون

*

يا حسافة والله على هالشي

وانشالله تكون اخر الاشياء اللي راح تتغير مع الوقت