يسعد صباحك يا حبيبي

يسعد صباحك يا حبيبي حالي طيب

كل شي مثل اللي كان

المدامع .. والمواجع والامان اللي اختفى لحظة غيابك

والليالي اللي مضت مثل الليالي اللي مضت

الهم عازف والدمع نازف والعمر في غيبتك حاير وخايف

حتى جراحك وسط قلبي مثل ماهي

وفي شفاهي باقي نفس الكلام اللي بقى اخر لقا

مثل مانت ياحبيب الروح شايف

كل شي مثل اللي كان وحالي طيب

*

*

هذا انت كل ما ضاقت بي الدنيا تغيب

وكل ما ضاقت بك الدنيا تجيني

هذا انت ان كساك صرت اوفى حبيب

وان نساك الهم تتباهى بأنيني

مثل مانت دايم تجي بوقتك حبيبي

بعد ما وقتك يروح

يا آخر دموعي وشجوني

واول احساسي جروح

مابقالي من عذابي يا حبيبي الا انت

وهذا انت يا حبيب الروح شايف كل شي مثل اللي كان

ويسعد صباحك يا حبيبي

*

*

هذا ضي الصبح .. او هو بعض نورك ؟

هذا همس الورد او دافي شعورك ؟

من هو مثلك في غرورك !!!

جيت متأكد بسامح

راسم الطيبة ملامح

ماهو بدري !!

انت تدري ما قتلني غيابك اكثر من حضورك

ايه كان العمر داكن

ايه كان الهم ساكن وقتي بعدك

بس انا يا ضي عمري كنت عودت الاماكن تألف بعادك وصدك

ياللي ما يرضيني ضعفك

مادري انثر فوق كتفك اغلى دمعي

او اردك