آخ ياقلبي

اخخخ ياقلبي

واخيرا قدرت اقول كل اللي فيك للي كان السبب

واخيرا احس اني مرتاحة

وهذا احلى شعور

*
*
شعور حلو لما قدرت افتح قلبي للانسان اللي احبه

واقوله كل شي حسيت فيه من اول ما دخل حياتي

*

كان يدري اني احبه

وكان هالشي يزيده غرور وكبر

لكن انه يعرف اهوه شنو بالنسبة لي

شي ماتوقعه

وما توقع انه يكون بهالقوة وهالعنف

*
*

قصة حبي ابتدت من 7 سنين

واول ما دخل حياتي حسيت بأنها انقلبت فوق تحت

اول مرة احس بهالشعور

حسيت فيه الاخو والصديق و اللي يخاف علي

وبالاخص حسيت فيه الحبيب

مع انه ما بين لي اي شي

وكل يوم مر كان يزيد حبه بقلبي .. تعلمت منه كل شي من الرسم او طريقة التفكير او الثقة بالنفس

كان استاذي بكل شي

من اصغر واتفه شي الى اكبر شي

علمني شلون اعيش وشلون احب وشلون اتنفس

لدرجة اني ما احس اني كنت راح اكون انا لو اهوه ما كان بحياتي

*

*

*

قبل جم يوم قدرت افتح له قلبي

و اول مرة ابي ابين له اهوه بالضبط شنو بالنسبة لي

قعدت اتكلم واتكلم واتكلم

واهوه ساكت

ما اسمع شي غير نفسه

حتى نفسه اعرف صوته

واقدر اعرفه من بين الف نفس

آآآخ يا حبيب القلب

لو بس تحس

*

*

كنت اشرح واشرح واشرح

كأني اسولف مع نفسي

في البداية كنت خايفة اقول

بس لما سكت وعطاني المجال استرسلت

قلت له عن اتفه شعوري

واعظم شعوري

قلت له بشنو افكر فيه

وشلون يدخل بكل تفصيل موجود بحياتي

من سبع سنين

ويوميا وبكل لحظة

انصدم وسكت

وانا استغليت سكوته بأني اعبر له اكثر واكثر واكثر

وحسيت بسكوته التعجب

عقب ما خلصت كلامي

سكت

وبجيت

وبجيت وبجيت

حسيت بفراغ بداخلي

كانه في هم كبير كان قاعد على قلبي وراح

حسيت براحة كبيرة

و بخوف كبير

شنو راح اسمع

شنو راح يقولي

هل كان المفروض اسكت

بس انا الحين مرتاحة لان فضفضت عن شي المفروض من زمان اقوله

والي خوفني اكثر سكوته

*

*

*

طال السكوت

وفجأة نطق

وقاللي بأحلى نبرة سمعتها بحياتي : كل هذا بقلبج وساكته