love .. like always

بصراحة

مو قاعد يعجبني اللي قاعد يصير بالديرة

----

وين المدونين ؟

كل هذا لان بيحطون قانون للمدونات ؟

اغلب المدونين اللي استمتع بالقراءة لهم موقفين قيدهم

ليش مادري ؟

الجو هالايام وايد حلووو .. منعش

رومناسي بس لو مو الغبار

ياربي جوالكويت ما يصير بيرفكت

لازم في شي يخرب

---

هل تتوقعون انكم تدخلون مدونتي بدون ما تقرون شي عن الحب ؟؟

الفترة الاخيرة قاعدة اغير قناعاتي بوايد اشياء

خصوصا بالحب

على اللي اعدة اسمعه وقاعدة اتعايش معاه من خلال صديقاتي

والناس اللي حولي

كنت اؤمن ان حتى لو العلاقة انتهت لازم تنتهي بحب

لازم الواحد يتذكر كل شي حلو جمعه مع هالشخص

و ما تنتهي العلاقة بنجرة او هواش

لكني بديت اغير قناعاتي

على اللي قاعدة اشوفه

على حب هالايام

الحب اللي الحين حب بطيخ

فلازم العلاقة لما تنتهي الواحد ينسى كل شي

على نظام

block

delete

لان هالشي اهوه اللي راح ينفع بهالوقت

لان اذا الشخص بين حسن نيته راح يكون و سوري عالكلمة

(خرووف )

سوري خروفا لا تزعلين :**

بس صج

بهالوقت الواحد لما يكون طيب وزين ومحترم

يكون غبي

ودام ان الوقت جذي لا تعطي المجال حق احد ان يقول عنك غبي

والا اقووول

انسوا اني قلت كل اللي فوق

كل واحد يعمل بأصله

واذا كنت من النوع الزين خلك زين

عشان نقدر نقول الدنيا للحين فيها الناس اللي تستاهل

وانهوا علاقتكم بحب

هذا اذا العلاقة بتنتهي

:)

احس اني وايد قاعدة اخربط

مادري شقاعدة اقول

عشان جذي بسكت لين هني وايد احسن :)