في المدونات نواجه كثير من الشخصيات المختلفة
و كثير منها نشوفه في حياتنا و البعض ما نشوفه من كثر المثالية الزايدة الموجودة
لكن
هل كل الشخصيات اللي قاعدين نشوفها بالمدونات هي نفسها شخصيات اصحابها الحقيقية ؟
ممكن اي وممكن لا
في اشخاص يحاولون يجملون الواقع و يجملون نفسياتهم في المدونات
يمكن لان شخصياتهم الحقيقية ما تعجبهم شخصيا
يمكن لان معتبرين المدونات كستار او غطاء لشخصياتهم نظرا لان محد راح يعرفهم
وفي اشخاص ما يحاولون يغيرون من شخصياتهم لكن لان الكتابة والشاشة شي جماد فما توصل لنا احاسيسهم و شخصياتهم الحقيقية على الرغم من انهم ما يحاولن يخفونها
وفي اشخاص ضاربين الدنيا بعرض الحيط
اللي ببالهم يقولونه واللي يفكرون فيه ما يحطونه بقلبهم
فنحس انهم اشخاص حقيقيين من وراء الشاشة
===
هذي بداية لموضوعي
اللي ابي اعرفه من اللي يزورون مدونتي
شنو انطباعهم عني وعن شخصيتي ؟
وراح اعطي انطباعي عن بعض الاشخاص اللي وصلني انطباع عنهم بدون اي مجاملة
posted by PearL at
2:15 PM
25 Comments:
مزيج بين الواقعية والرومانسية
مناقشة موضوعات واقعية بنظرة رومانسية
أو مثالية
بس سؤالي
ليش هالصورة المرعبة
؟؟
اشدعوة جمجمة
ودمتم بحب وود
الصراحة حبيت كل مواضيعج واستانست عليهم .. بالنسبة للمدونات او النت بشكل عام ساعات في ناس يتظاهرون بشخصيات تختلف عن شخصياتهم وساعات لا الشخصية اهيا نفسها اللي بالواقع نلقاها مطبوعة على النت :)
أما بالنسبة لج حسيت إن هذي طبيعتج ومن غير تصنع والأسباب الصراحة اهيا طريقة عرضج للمواضيع وحسيت إن كل اللي تحسين فيه تكتبينه شي وايد حلو وانا أحب المندونين اللي يكتبون عن روحهم ويومياتهم والمواقف اللي تصير لهم أحسهم واضحين أكثر وشفافين :)
يعطيج العافية :)
agolich fe tag ana m6arshitah lich wi itha ma 3leech amr jawbeeh wi lich min i7allil sha'79eetich:)
اول شي ترى قلبي وقف من الصوره الله يسامحج تالي الليل حاطتلي اياها شينومني هاااااا؟
اممم بالنسبة لسؤالج
أشوف بيرل
انسانه واضحه وصريحه
عاطفية وتقدس شي اسمه حب
طيبة وحبوبة
صادقة
تحب تاخذ وتشاور غيرها وتتقبل رايهم
هذا اللي اشوفه :))
وأكييييييييييد
No One's Perfect
ومتأكدة ان كل واحد فينا
فيه اطباع زينه وفيه اطباع شينه
بس الشاطر اللي يعترف بالايجابيات والسلبيات واهنيه عاد يختلف طبع كل شخص فيه ناس سهل يعترفون بأخطاءهم وفيه ناس لأ
وممكن الاثنين يعني تيينا حالات نعترف بخطأنا ومرات لأ تعز علينا انفسنا
امممم جني قرقتج ؟ اكتفي لحد اهنيه
shfeeekum ya jma3aaa 9ej ena elsora etkhari3 bes strass... 3adil pearl?:P hehehehehe halayam kilshay strass neshta6 3laih wo hathool mekhtar3eeeen walla ma3indikom salfa hehe
wo 3an ur question madree a7esichh "very" romantic, wo wayid 7abooba wili ibgalbich 3la elsanich y3nee a7es 9ej wana agra a7ess ur talking to me and directing ur questions to me wo hatha elmuhem ena elwa7id e7es ena e3aref hal blogger 3adil laih darajat e7is ena e7acheeh wentay wasaltay hashay il7imdila.
Keep it up :)
لا أدري من أين أبدأ...
أنا تعرّفت عليك اليوم لذا لاأظن بإمكاني إبداء أي رأي شـخصي مقنع أو بالأحرى واقعي. ما يمكنني قوله أن أول ما إلتمسـته بعد قرائتي لبعض كتاباتك كان مدى شـغفك بالحياة التي تعيشـين. كتاباتك مليئة بالتسـاؤلات الدالة عن مدى حبك للحياة
شكلك واجد واجد مليقة
in reality i\d aviod having a conversation with you because it will end nowhere exciting so its pointsless to even start talking with you!
the only reason I commented is that I want to see your respond to it! Its probably something boring “enta ma teste7y” or some crap
hehehe!! I don’t know you and I don’t give a shit who you are and what you think of me!!
though i think its an interesting point you raised
صراحه موضوع واايد حلو
أنا دائما اقول ان اغلب المدونين مثاليين
وشخصياتهم مافيها شي غلط ،، طبعا هذي صورة تعكسها لنا كتاباتهم واكيد ماراح تكون اهي الحقيقة الكاملة
لكن من الصعب انك تعرف شخصية إنسان من خلال الكتابة بس
احنا نكون فكرة عامة
وبالنسبة لج انتي بيرل
انا راح اقولج انطباعي عن شخصيتج بصراحه ،، لأني احب اني احلال واكتشف الشخصيات ،، هذا الشي من هواياتي
انا اتصور انج تملكين شخصيتين
شخصية تكون مع عامة الناس وشخصيه مع الناس القراب منج حيل
شخصية طيبة وحساسة حيل لكن ماتعجبج انصاف الحلول ،، يا اما ابيض يا اما اسود
تحبين الصمت والتأمل والناس الصادقين الصريحين والمنفتحين اللى ماعندهم عقد
عموما اتصور انج شخصية راقيه تتعاملين من الغير بكل شفافيه ورقي
وشخصيتج قويه ما تتأثرين بسرعه
الحب شي اساسي بحياتج ماتقدرين تعيشين من غيره
:
بس شيء وااحد اللى صعب انك تتصوره لأي من المدونين اللى احب اقرالهم اهو الشكل
:
وسوري على الهذرة الزايده
:)))
walh anaa mata3arft 3ala sha59eetch 3adel coz am new o madsh wayed .. bss embayn 6abe3eyaaa ma3tq6 ga3daa tet'thahreen eb shy :)
hmmm ana binsba ley yimkin ykon in6iba3i nagi9 or shai chithi cuz ma9arli wayid bil "blogber" world ..
bs illi shifta min ur posts as follows:
ur honest oo frank which is super good oo ana agadis hal shai bil awadim coz honesty hal ayam 9ayra mithil bee'6 i9a3oo
yimkin ur kindness y'7ali nas yist'3lon hal janib feech, so, just deerai balich coz some ppl yaklon wmishon eedhom bil6ofa
hmm shai thani, u have strong opinions most of which i do agree with, oo i like the fact ina u stick to ur guns :D
hatha kil ili 3indi , i guess :P
so long ;)
ee neseet agol shai .. :P
7adi 7abeet el skull :P
رومانسيه
جدا رومانسيه
تبحثين عن الراحه
و لا شي سوى الراحه
نهتمين وايد للناس
و تسمعين الكلام
بسرعه تتاثرين
انتي قوليلنا انطباعنا عنج صح؟؟
الرومانسيه اعتقد مانقدر نحكم عليها من النت
اما في بعض الامور الثانيه ممكن
مثلا اعتقد انج صريحه وماتجاملين
وسلامتج
موضوع جميل .. وواقعي :)
أنتِ في نظري صريحة و صادقة .. تعجبني شفافيتك في معظم كتاباتك :)
دمت بخير :)
حرام البوست ما يستاهل جمجمه
:)))
واله بيرل من معرفتى فيج احس انج انسانه رومانسيه
حبوبه وايد
عقلانيه
بسيطه ما فيج تكلف
:)
بنت كويتية .. حالج حال اغلب البنات في البلوغز .. في قمة الواقعية وفي قمة الخيال .. تعطون الحب اكبر من حجمه و تعطون اسراره اصغر من حجمها
الرومانسية والحب تاخذ الحيز الاكبر من كتاباتكم ، وتشتكون ، وتهذرون ، وتحورفون يمين ويسار ، وتتعقدون .. لأنكم تبحثون عن بصيص أمل ان يعيش الرجل في نفس درجة الرومانسية التي تعيشونها ، ولكنكم في داخلكم تعلمون انها جزء من خيالكم الواسع
لماذا ؟ شدراني .. انا نص كتاباتكم ما افهمها بصراحة وطريقة تفكيركم غريبة .. مو انتي يا بيرل ؟ لا اغلب البنات اللي يكتبون في البلوغ
وعلى راسهم لوير
واقعية و بسيطه
اول شى شكو الصورة؟
فرضا قاعد بروحى وظلمة وطلع صوت عالى وانا قاعد اطالعها فجأة
اتشغمر :P
بس انا اقولج انتى احس وحدة عايشة وااااااااقع جدى
ومن داخل هاربة تبحث عن الرومانسية
شكرا
شخصيا
مادري ليش اتخيلج قمة الهدووء والسكينة
احد اهم انطباعاتي عنج هو قلة الكلام
وهم في شي اخر احسج من الناس الي ينصتون للكلام وينتقدون بداخلهم بصمت
يعني يمكن مافي فرصة انج تنتقدين الشخص الي جدامج لاي سبب
بس احسج تقعدين تحطيين بعض النقاط بداخلج
وايضا احس انج بسيطة بشكل كبير
هذي الاشياء الي حاااطها ببالي عنج وبس
بيرل
من تعليقاتج و بوستاتج و كلامج أحس فيج مني وايد
واقعيه و بنفس الوقت رومانسيه
بسيطه و هاديه
صريحه و مريحه
حكيمه و عنيده شوي
أنا عصبيه شوي بس مادري انتي قوليلنا انتي عصبيه؟
وبس
حلوين
طيبين
و بنحبكم
:))
الصورة اتيننننننننن
مالج شغل بالخوافين
ههههههه
Purplecious : من خاف سلم :p
sologa bologa
اهوه صح وايد نظرتي للاشياء رومانسية
بس حرام عليك
الصورة كلش مو مرعبة
:)
بالنسبة لتحليلي لشخصيتك
انا ماعرفك وايد بس من اسمك احس فيك حس من الفكاهة
====
سارا :
تسلمين ياقلبي
اهوه فعلا اللي احس فيه اكتبه بالبوست
بالنسبة لنظرتي لشخصيتك للاسف مااعرفج معرفة تخليني اقدر اكون عنج فكرة معينة
انشالله مع الوقت
=========
سالفة عجيبة
انشالله البوست الياي
===
ريلاكس :
انتي لو تدرين هالجمجمة بجم تنباع جان ما قلتي عنها تخرع
تحليلج صج
احس ان هذي انا
بالنسبة لج
احسج حيل بسيطة
يعني سمبل لاخر درجة
طبعج احسه فيه وايد من طبعي
احسج صج ريلاكس
=============
شكشكة
حراام عليج ظلمتي الجمجمة
هذا كله الماس مو ستراس
بالنسبة لتحليلج ثانكيو وايد
شي حلو ان الواحد يعرف انه يقدر يوصل احساسه دايركت
وفعلا انا وايد رومانتك
شخصيتك اشوفها مثل اسمج
تحبين الوناسة وما تحبين شي يضيق الخلق
بس تبين تستانسين
sologa bologa
اهوه صح وايد نظرتي للاشياء رومانسية
بس حرام عليك
الصورة كلش مو مرعبة
:)
بالنسبة لتحليلي لشخصيتك
انا ماعرفك وايد بس من اسمك احس فيك حس من الفكاهة
====
سارا :
تسلمين ياقلبي
اهوه فعلا اللي احس فيه اكتبه بالبوست
بالنسبة لنظرتي لشخصيتك للاسف مااعرفج معرفة تخليني اقدر اكون عنج فكرة معينة
انشالله مع الوقت
=========
سالفة عجيبة
انشالله البوست الياي
===
ريلاكس :
انتي لو تدرين هالجمجمة بجم تنباع جان ما قلتي عنها تخرع
تحليلج صج
احس ان هذي انا
بالنسبة لج
احسج حيل بسيطة
يعني سمبل لاخر درجة
طبعج احسه فيه وايد من طبعي
احسج صج ريلاكس
=============
شكشكة
حراام عليج ظلمتي الجمجمة
هذا كله الماس مو ستراس
بالنسبة لتحليلج ثانكيو وايد
شي حلو ان الواحد يعرف انه يقدر يوصل احساسه دايركت
وفعلا انا وايد رومانتك
شخصيتك اشوفها مثل اسمج
تحبين الوناسة وما تحبين شي يضيق الخلق
بس تبين تستانسين
Stranieo
شكرا على التعليق
اسعدني حرصك على الرد حتى لو ما كنت تعرفني
=======
error :
رايك احترمه
====
7osen :
حدك حللت شخصيتي
فعلا انا عندي شخصيتين
وتصدق فعلا ان تتخيل شخص المدونين وايد صعب
بالنسبة لتحليلي لشخصيتك
اشوف انك انسان وايد رومانسي
لكن احس ان الرومانسية اللي فيك ما تبين ولا تطلعها لاحد
يعني مخليها بقلبك والبوستاات
احساس
=======
ام النمل :
مشكورة ياقلبي
=====
the voice within :
اول شي ثانكيو وايد وايد احرجتيني
صج انا الطيبة اللي فيني خلتني انقرص من ناس وايد
بس يالله
ما عليه
وعلى فكرة ذوقج حلو لان عجبتج الجمجمة
مو نفس الباجي :)
=
لوير :
وايد رومانسية ودايما ادور على الراحة و يهمني راي الناس فيني
صح
بالضبط مثلي
بالنسبة لرايي فيج
احسج انسانه ابعد ما تكونين عن المثالية
وبالنسبة لي ترى هذا مدح :)
احسج بهالجملة : هذي انا واللي مو عاجبه يطق راسه بالطوفة
تحبين تسوين اللي براسج وصعب تقتنعين براي احد
عاد انشالله صح
=============
كويتي :
شكرا عل رايك
=========
بريييز :
مشكورة ياقلبي
بالنسبة لفكرتي عنج
احسج وايد هادية وما تحبين اللوية
احس بقلبج حجي وايد
=======
كريزما :
بالعكس احس وايد حلوة الصورة
شكرا لج
فكرتي عنج يا كريزما
احسج انسانه
7archa
و مرحة وايد .. والمكان معاج ابعد ما يكون عن الهدوء
من الوناسة والضحك
========
Expatriate
اتوقع كل البنات بالدنيا جذي
يعطون الحب مساحة كبيرة
=========
physio-80
فيني هالصفتين
شكرا لك
=======
مشاري :
عشان جذي حاطين عالجمجمة الماس
عشان تخف الخرعة شوي :)
تحليلك ما فهمته وايد
بالنسبة لفكرتي عنك
احسك شاب بس عايش بمخ شايب
وايد جدي و وايد تهمك السياسة و وايد تشتط بالمواضيع اللي تخص المجتمع
وايد شايل هم الديرة :)
====
تريستن :
تحليلك صح ولدرجة كبيرة
فعلا هذي انا
=====
purplicious
انا بعد احسج فيج مني وايد
فيني كل الصفات اللي قلتيها
بس انا مو عصبية
بس اتنرفز بسرعة
:)
مادري شفيهم مخترعين من الصورة
حبيبتى انتى
ههههههههه
انطباعج بمحله
بس مو مع كل الناس
اهو طبعى صح
بس يطلع مع الى يدشون قلبى
الى ارتاح لهم
والا الباجى لا اتلاقينى متسمته واتبوسم
:)))
واتصدقين عاد بيرل
بالعايله يسمونه الفاجه
ههههههههههه
وما عليج زود يالغاليه
Post a Comment
Subscribe to Post Comments [Atom]
<< Home