emotions
يوم السبت كان عيد ميلاد بنتي
كملت سنة
وهذا اول عيد ميلاد لها
happy birthday to you Jojo :*
طول اليوم كنت احاتي ان اليهال مايستانسون بالبارتي
و طول الحفلة وانا على اعصابي
واحاتي
واحوس
-
على الساعة 2 بالليل رحت المستشفى
حايشني عوار مو طبيعي وصداع وسخونة
حايشني فايروس
هالاسبوع كله بالبيت
وكله بالفراش وكله تعبانة
شعور بايخ حده ان الواحد يكون تعبان
ومحد يدري عنه
ريلي مسافر
امي وابوي مسافرين
ورفيجاتي كل وحدة ببلوتها
مالي خلق انكد عليهم
---
-
الجو اليومين اللي طافوا خيال
بس حايشني اكتئاب مو طبيعي
اكره هالشعور
مادري ليش بين فترة والثانية يحوشني
قاعدة اطلع واغير جو واروح مع اكثر الناس اللي
احبهم واحب اطلع معاهم
استانس بس فجاة تحوشني الكآبة
احس اني ابي ابجي حتى لو كنت بمكان عام
ابي اخذ حبوب مضاده للاكتئاب بس ادري ان ما يعطونها الا بوصفة طبية
ابي اسوي شي شنو مادري
ابي اتكلم واتكلم واتكلم ومحد يسكتني ومحد يعطيني نصايح ومحد يحسسني اني الصح او يحاول يواسيني
posted by PearL at
12:47 AM
11 Comments:
سلامتج وما تشوفين شر وتفائلى ولا تصيرين متشائمة
:)
كل عام وجوا بخير
والله يخليها لج وتشوفينها عروسه بالطرحه
:))
ممكن أقولج شي
لا تفكرين جذي خصوصاً حبوب الأكتئاب
مالها لزمه لأنج مافيج شي
مجرد حالة ملل وتعدى
إبتسمي للحياة
ترى الدنيا حلوة
أتمنالج مساء جميل بعيد عن الضيق والأكتئاب
تحياتي لج عزيزتي
وتحياتي حق جوا
Pearl 7abebty
الي فيج مو كابة
يمكن الي فيج فقد زوجج و أهلج لسفرهم
شوفي بقولج كلام قلته من قبل حق رفيجتي
لأن دايم تقول
"i'm Depressed"
Depression is not an easy word to say. It's Something Close to MADNESS. and its a big thing!!
اسم الله عليكم منها
و على قولة بربل
u can say i'm feeling DOWN but not Depressed!
وترى كلنا تحوشنا هالضيقة
تعوذي من بليس و ماكو الا العافية ان شاء الله
واووووووووعج تفكرين بالحبوب
و كتبي و طلعي ككككللللل الي بقلبج
و ياويل الي يقولج وقفي
بيرل
أول شي
هابي بيرث داي تو جوجو
واااااااااي يا كرهي و أنا أكتب كلام انجليزي بالعربي ههههههههه
HAPPY BIRTHDAY JOJO :*
و يا رب يحفظها و يبلغج فيها
بالنسبه حق الاكتئاب
مثل ما قالت ريفلكشنز
و الاكتئاب درجات فممكن اللي فيج نوع من انواع الاكتئاب البسيط لأنج تقولين انه يروح و يرد
شوفي بيرل
كثري من الاستغفار و ذكري الله و تعوذي من ابليس و ان شاء الله ضيجه و تروح ماكو الا العافيه
صدقيني أنا أعرف شعورج
وايد كانت تييلي هالحاله و ما كنت أدري شنو أسوي
بس مع الوقت اختفت تدريجيا
صبري و تحملي و ماكو عقب الضيقه الا الفرج
:***
Join my club dear
:)
وتدرين احسن حل للي انتى فيه الفضفضه
قعدى مع واحد بس يسمعج
وقولي لين راسج يفضى
المشكله ان احنا الحريم والبنات كل مشكله عندنا له احل ونعرف الحل
بس نحتاج نقول ونقول
وصدقينى مع اول نصيحه تييج من الطرف الثانى
تحسين هذا اللي جدامج مو فامج ابد
منتى محتاجه النصيحه
منتى محتاجه المواساة
مل اللي محتاجته مستمع جيد
وعقب تنفضين اللي تاعبج وتكملين الطريج
:*
كل عام وبنتج بخير والعمر كله
وما تشوفين شر حبيبتى
حطي بنتج و اشكيلها ماراح تفهم و لا تحاسبج و راح تسمع كل شي
اي ثييييييييينك يو نيد هااااااج
الله يرده لج بالسلامه
ترا انتي من يسافر ريلج اتعسرين و تمرضين
ملاحظه؟؟؟؟
happy birthday sweete
عقبال مليون سنه يارب تفرحين فيها عرووس انشالله
و المزااج وييي عندنا و عندج خير
لوول روحي البحر و كتبليلج قصه طلعي ام المشاعر فيها
صدقيني جربتها و حده الشعور حلو انه بس تصفنين على البحر
T.C sweetee o salamat...
salamz love...
كل عام وبنيتج بخير
ربي يخليها لج ويطول بعمرها وتشوفينها أحلى عروسة وتفرحين فيها :)
.
.
وبالنسبة للحالة اللي حايشتج
ما احب اسميها اكتئاب .. لأنه الاكتئاب شي أصعب من جذي .. صدقيني
تدرين شنو يبيلج
يبيلج سفرة .. تكسرين فيها كل الروتين وتغيرين جو وترجعين فريش
.
.
الله يبعد عنج كل شر يارب
ويحفظج لبنتج وريلج وكل الي تحبينهم :)
.
.
بلوقج وايد حلو
راح أكون من المتابعين إن شاء الله ..
حبيبتى والله
كل عاام وجوجو بالف خير
والله يبلغج فيها عروس امين
وسلالاكتج الف سلامه ما تشوفين شر اجر وعافيه
وسبحان الله على كثر ما نحس بامان باهلنا وانا حوالينه وايد لى طحنه بس
فجأه يختفووون
وتكونين وحيده
انا تونى من يومين مريت بنفس الظرف
تخيلى وبديره غربه
احس انى بموت ومحد يمى
:(
الشعوور بروحه يذبح
الله لا يخلييج منهم ويكونون حواليج دوم حبيبتى وسلامات
:)
كل عام وجوجو بخير وانتم بألف خير
والله يبلغكم فيها
وتشوفون عيالها وعيال عيالها
إن شاء الله
:)
لكسر الاكتئاب ماكو غير السفر
وبما أن السفر صعب ماكو غير البحر
بما أن البحر زحمة ماكو غير الخمر
عفوا عفوا خطأ مطبعي
قصدي أقول ماكو غير الصبر
هذا علشان القافية
ودمتم بحب وود
mishari :
الله يسلمك مشكور
عادي انا هالحالة وايد تمر علي
بس عدت على خير
===
7osen :
مشكور الله يسلمك يارب
لا بس خلاص مجرد فكرة يتني وانا بأشد حالاتي
الحمدالله مافيني الا العافية :))))
=====
ريفليشكن
اي والله صج كنت احس اني feeling down
اشوه عدت على خير
انا بعد اتوقع من سالفة سفرة الكل
==========
بربليشيوس
مشكورة حبي
اي وايد تمر وتروح
بس بحاول اقاومها المرات الياية
====
زوزوتا
بالضبط
هذا اللي ابيه ومحتاجته
ابي اتكلم وافضفض
والمشكلة الناس عبالهم اذا عطوووج حلوول يعني ساعدوج
ثانكيو دير :)
======
لوير
اي ملاحظة وفوق هذا امرض بعد
المشكلة بنتي لما اقعد معاها اهيه تشكيلي
بس تقعد تحن و وتسوي حركات بويهها جنها تشكيلي من هم الدنيا
لوول
والمشكلة اذا ما عطيتها ويه تعصب
كل هذا وعمرها سنة ملاحظة
الله يعينني اذا كبرت
=======
خروفا
مشكورة حبيبتي
رحت قعدت عالبحر قعدت ارسم
لاني كلش مانفع بالكتابة :)
=======
شهد :
عيونج الحلوة حبيبتي
مشكورة وماتقصرين
المشكلة انا احب السفر
بس كل ما اسافر وارد يضيق خلقي اكثر :(
=====
كاريزما
ما تشوفين شر حبي
اي الشعور حده يذبح
مشكورة وماتقصرين
====
سلوقا بلوقا
الله يسلمك
لوووول
عجبتني القافية
بس ياريت ثلاثتهم يتيمعون
لول
اتغشمر
استغفر الله
يبيله نيو لوك :)
Post a Comment
Subscribe to Post Comments [Atom]
<< Home