Friends
الصداقة بين الزوجين من اهم الاشياء اللي تساعد الزواج على الاستمرارواستغرب من بعض الازواج اللي يعتبرون الزواج مجرد زواج
مجرد زوج و زوجة
كل شي بينهم رسمي
او ان كل شي بينهم ماله اهمية
ماكو سوالف بينهم
ماكو شي مشترك بينهم
واستغرب اكثر انهم ما يسولفون الا عن المشاكل اللي تواجههم
مع الاهل
بالدوام مع الصديقات
ما يتكلمون عن مواقف مضحكة .. او اي سوالف ممكن اي اصدقاء يسولفون فيها
الريال يشوف مرته جدامه بالبيت بدون اي اهتمام بشكلها
وطول الوقت ساكته يا مجابلة التلفزيون وهي ساكته
يا مجابلة اليهال بالصراخ
ماكو حوار بينهم وماكو اي تفاعل
والريال بعد مجرد انه يدخل البيت يتغير 180 درجة عن الريال اللي بالديوانية او بالدوام مع ربعه
بالنسبة لي
اعتبر زوجي
حبيبي و صديقي قبل ما اعتبره زوجي
لاني اعتقد ان الصداقة اهم شي بأي علاقة بين اثنين
مرات احب احسه انه صديقي اكثر من انه زوجي
مرات اسوي بارتي ببيت اهلي و البنات ينامون عندي
وبالليل اكلمه بالتلفون كانه رفيجي
وبصراحة احب هالشي
لانه يحررني من اي مسؤولية
يحسسني انه موجود عشان كرفيج
و الرومانسية عقبها تزيد وايد
*
*
برايي هالشي وايد يقوي من العلاقة بين اي زوجين
و بكل الظروف وبكل العلاقات اكيد في طريقة ان الصداقة تتقوى بين الزوجين
اكيد في الف طريقة وطريقة ان الريال يصادق زوجته
يصادق حبيبته
والمراة بعد
لان الصداقة من اهم الاشياء اللي يحتاجها الانسان
وماكو احسن من انه الحبيب يكون هو الصديق
posted by PearL at
10:38 PM
9 Comments:
اول شي انا اتفق معاك تماما بالصداقة ولذلك لو تلاحظيبن ان انجح العلاقات هي علاقات الحب التي نتجت عن الصدقة لأنها تشيل عامل التوتر والرسمية
اساس الصداقة يكون الراحة حييييييل مريحة
بس مو الكل جذي تفكيره
-------
اVery well written :)
and no I'm not in Colorado heheh gabel il sinat il 2000 y3ni? ;p
allah etamem 3alaich 7abeebty...how long have u been married?
the tooth.fairy :
بس بمجتمعاتنا ما عندنا صداقة بين الجنسين
عشان جذي ليش الواحد ما يكون صداقة مع شريك حياته
لان فعلا راح تكون علاقة وايد ناجحة
اي انا كنت قبل 2000 هناك :)
ثانكس حبي عالمرور
=============
Anonymous :
الله يسلمج
صارلي 3 سنين متزوجة
احلي شئ انه يكون صديق وحبيب العلاقة جذي اتصير احلى وتستمر
الله يسعدج ويهنيج انشالله
الصداقه شي مهم مع العلاقات الاسريه
بدايه بالام و نهايه بالزوج
الله يتمم عليج و يسعدج
صحيح
شي جميل جدا لما تكون علاقة الزوجين مثل الاصدقاء
لكن ما تعتقدين ان هذا الشي صعب ونادر في مجتمعنا
عندنا تلقينهم قبل الزواج شزينهم اصدقاء وحبايب ومتفاهمين ويخافون على بعض ويتشاركون بكل صغيره وكبيره
لكن بعد الزواج !!
كل شي يتغير
تصير فيه معركه على السيطره
كل طرف يبي يسيطر على الثاني بكل طريقه ،، فتصير العلاقه اليه وهذا اللى يدمر الزواج0
احييج على هالتفكير لأنه برأيي تفكير صحيح
ودمتي بكل خير
الزوج لازم يكون الصديق والحبيب و
الأخ و الأب لزوجته.. والزوجه بعد
لابد انها تهتم في نفسها عشان وزوجها
و انا اعتقد ان الزوجه بيدها تغير
في طبيعه زوجها زي ما تبي بس تحتاج
الى شوي تكتيك عشان تحدد الطريقة اللي
تحب زوجها يتعامل معاها.
kalaamek 3adel 100% Pearla ;) ...
shay 7elo enna yekoon ezoj ohwa e9adee8 bedoon ma yal'3i aw ye'3a6i dor 9ade8aatech el banat ...
yetsharekon BesSowaalef el 3aadiya ... el a7dath el yawmiya elli et9eer kelyom .. beDawam, besEka, eb ay mokan ...
eb chethi lo'3at el 7ewar terte8i :)
thanks o allah yetammim 3alaikom enshalla yaa rab
Regards,
ENG-Q8iya
kalaamek 3adel 100% Pearla ;) ...
shay 7elo enna yekoon ezoj ohwa e9adee8 bedoon ma yal'3i aw ye'3a6i dor 9ade8aatech el banat ...
yetsharekon BesSowaalef el 3aadiya ... el a7dath el yawmiya elli et9eer kelyom .. beDawam, besEka, eb ay mokan ...
eb chethi lo'3at el 7ewar terte8i :)
thanks o allah yetammim 3alaikom enshalla yaa rab
Regards,
ENG-Q8iya
Post a Comment
Subscribe to Post Comments [Atom]
<< Home