الجزء الثاني

اسبوع كامل ما شافته

كانت تدوره بزيل ام سي كلها

بس ماشافته كلش

فقدت الامل انها تشوفه مرة ثانية

توقعت انه سافر

وحطت ببالها ان اللي صار مجرد موقف رومانسي حلو

لا اكثر

لا اقل

--

تتمشى عالبحيرة بروحها

وتشوف ديما من بعيد تركض صوبها

وتناديها

دانة : شفيج .. شصاير

ريم : اول شي جم تعطيني

دانه : خلصيني صاير شي

ريم : احمد رد .. بس هالمرة مع اهله

وقولي اهله وين بينزلون

بنفس فندقنا .. تعالي بسرعة الفندق .. امي وامج قاعدين مع امه .. امشي رزي عمرج

شعورها بلحظة تغير

راحت الفندق على طول .. صعدت غرفتها .. غيرت لبسها

فلت الشعر

ونزلت مع ريم اللوبي

شافت امها قاعدة مع امه

راحت صوبهم وسلمت

وبعد التعريف والسلام والسوالف

ام احمد : دانه انتي وين تدرسين ؟

دانه : انا توني متخرجة من الثانوية .. وقاعدة افكر .. قدمت على بعثة وقبلوني بالتخصص اللي ابيه

بس لالحين اني ادور ولاية وجامعة

ام احمد : قبلوج بامريكا ؟

دانه : اي

ام احمد : خل انادي ولدي احمد .. اهوه و اخوه يدرسون بكولورادو

اكيد يعرف مستوى الجامعات اللي هناك

دانه وريم يطالعون بعض ويبتسمون

دانه بقلبها تقول شناطرة روحي ناديه الحين صارلي اسبوع ما شفته

====

اييي احمد بعد فترة ويسلم

ويسلم سلام خاص على دانه

احمد : شلونج دانه .. انشالله احسن الحين ؟

دانه بكل خجل .. : الحمدالله يعطيك الف عافية

ويبدا يقول حق امه شلون ساعدها عالجبل

ومع السوالف و اخر الاخبار

عرفت دانه ان احمد هالاسبوع كان رايح ايطاليا مع ربعه ومن هناك خذا اهله وردهم زل ام سي

وعرف احمد ان دانه محتارة بالجامعة اللي بتروح لها

واقترح عليها الجامعة اللي اخوه يدرس فيها لان اخوه ودانه نفس التخصص

دانه : ليش انت ما تدرس معاه بنفس الجامعة

احمد : لا انا تخصصي ادارة اعمال .. وادارة الاعمال مو ذاك الزود بهالجامعة

بس الهندسة وايد قوية

انتي قدمي وشوفي

بس الولاية وايد حلوة .. وبعدين اذا بتيين راح ادير بالي عليج

عشان تعرفين يعني اذا بتكسرين ريلج مرة ثانية ما تحاتين

ويضحك

دانه قلبها يطير فوق .. وتقول بقلبها : انا اذا بروح هالولاية ما راح اروح الا عشانك

======

هذي كانت طريقة تعارفهم

بأحلى مكان بالدنيا ..

تمر الاشهر و تنقبل دانة بجامعة كولورادو

الحياة هناك كانت غير

اهيه واحمد عايشين بأمريكا

لكن عمرهم ما تكلموا بشنو كانوا يحسون

دانه حبته.. كان شي اساسي بيومها

كان كل شي

لمدة سنة ونص

كانت تطلع معاه

كان يتطمن عليها

يطلعون غدا عشا ريوق كل شي

لكن كمجرد صديقين

محد اعترف للثاني باحساسه

بشعوره

باللي يفكر فيه

دانة و احمد واخو احمد وليد

كانوا دايما مع بعض

اصدقاء لا اكثر لا اقل

وليد كانت شخصيته العكس تماما من شخصية احمد

كان مرح و ماخذ الدنيا عبط يحب البنات و صريح

كل شي بقلبه يقوله

عكس اخوه

وبالنسبة لدانة كانت هذي اكبر مشكلة

ما تعرف شنو بقلب احمد

===

يرن التلفون بالليل

كعادته كل يوم

بنفس الوقت

والمتصل وحدة من ثنتين

ديما - ريم

ترد عليه دانة

ديما : هااي دنووي شلونج

دانة : هلا عمري انتي شلونج

ديما : ها بشري صار شي اليوم ؟

دانه : ولا شي .. بس خلاص ديما انا تعبت والله العظيم تعبت

متخيلة ان كل يوم معاه

كل يوم لازم اشوفه

واذا ما شفته او ما شافني يتصل يتطمن بس طريقته تحسسني اني اخته

لا اكثر لا اقل

ديما متخيلة ان وليد على طول يسولف معاي

يقوللي كل اللي بقلبه عن اللي يحبها

يعرف عني كل شي شنو احب وشنو ما احب

تحسينه صج يهتم مع اني بس رفيجته

بس احمد ماكو احساس كلش

احس ان اتصاله او الطلعة معاه كأنها واجبة عليه

لمجرد ان امي تعرف امه

ويبي يسوي نفسه جنتل

ديما : دنوي بقولج شي بس لا تتضايقين مني

يمكن الريال في وحدة بحياته

يمكن يعتبرج مثل اخته .. دام ان للحين ما حس

ما اتوقع انه بيحس

دنوي الاسبوع الياي عندي اجازة

بشوف لي حجز عشان اييج

لوس انجلوس مو وايد بعيدة

دانة : بليز ديما حاولي تيين

حدي تعبانة

=====

يتبع