الله يكافينا شر هالاشكال

نوعية من المخلوقات

انتشرت بشكل كبير في مجتمعنا للاسف

مخلوقات

( ما تستحي )

باختصار

مخلوقات ما عندها لا شغل ولا مشغلة

نفسيتها مريضة

وتحاول تنشر المرض بكل مكان

*

*

البيئة اللي تنتشر فيها :

اي مكان فيه ريال متزوج

*

*

طريقة عملها

تحط عينها عالريال المتزوج

تدوره دواره

ولما تدري انه متزوج او مرتبط تتمسك فيه اكثر

تحاول بشتى الطرق انها تطيحه

*

*

طريقة تفكيرها

راح يهد الاولي والتالي

وراح يهد زوجته وشريكة عمره

عشانها

يمكن لانها مخلوقة طايحة بجبد نفسها

وحست انها لازم تتصرف

*

*

تكنيك خاص :

تحاول تبين له انها مهتمة بحياته الزوجية و تحاول تحل مشاكله مع مرته

وتحاول تعرف شنو اللي مضايقه عشان تسويه له

بطريقة غير مباشرة

( يعني شوفني .. كل اللي تبيه موجود عندي )

*

*

نصيحة :

لعنبوج استحي

انتخي

ترى مثل ما سوا علاقة معاج

في غيرج من اشكالج

ترى ما راح يهد وحدة حافظت على نفسها واسمها زوجته

عشان وحدة من هالطينة

السالفة كلها لعب

واذا عبالج ان انتي اللي ماخذه عقله ترى انتي غلطانة

الريال حتى لو يبي يطلق مرته

ما راح يطلقها عشانج

لان ما راح يسمح حق وحدة نفسها دنية تكون مكان زوجته

تشيل اسمه وتربي عياله

ستري على روحج

وحفظي ماي ويهج وعلى اللي بقى من كرامتج

لان الله يعطي كل واحد على نيته

اذا النية شينة ما راح حصل الواحد الا الشين

واذا النية زينه راح يتهنى فيها