Happy birthday my blog

شهر مارس

2006

قررت اني افتح لي مدونة

مو لشي

مجرد اني ابي مكان اقدر اعبر فيه عن مشاعري

اكتب فيه اشياء تعبر عني

اكتب فيه اجمل ما قرأت

واختياري لاسم بيرل

لانه ترجمة لاسمي

فقط لا غير

.

والحين عقب سنة

شنو سويت وشنو كتبت

كل اللي كتبته او اقتبسته او " بقته " على قولة البعض

كان يعبر عني

كان طالع من كل قلبي

كان يعبر عن احساسي ومشاعري

لان دايما اقول

عندي مشكلة في التعبير عن ما بداخلي

.

ما كان الهدف الانغماس في عالم المدونات

والمشاركة مع المدونين

لكن مع الوقت عجبتني الافكار

عجبني الطرح

عجبني الاسلوب

لدرجة اني ادمنت على هالعالم

مو لشي

لمجرد اثراء معلوماتي و الاستمتاع باسلوب ناس

ما كنت اتوقع ان تفكيرهم موجود للحين

.

عقب سنة

مادري اذا أثرت بأحد

احساسي مس احد

مثل ما صار معاي مع باجي المدونات

وان كان وجودي بهالعالم خلال سنة ما كان مهم

لكن راح اثبت لنفسي قبل الكل ان عدم قدرتي على الكتابة

تخليني احس اكثر

تخلي عندي شعور محد يحس فيه كثري

وان كانت سنة وحدة ما تكفي

it's fine with me

كل عام ومدونتي بخير