حــقــــــارة

اي نعم خـنـتـــك

خنتك اي نعم ادري وخانت بي دروبك

وخانت عيني اهدابك وكل ما بك شقى واحزان
خنتك .. للاسف عيا الزمن يصون لك حبك

وكلي علم بحالك ..حزين وبالوهم غرقان
لاني ف يوم انا مثلك حسبته وافي قلبك

وخنت الحب .. اظن تذكر .جرحت احساسي يا خوان
وجا وقتك تذوق المر عسى تتهنى في شربك

وحط في بالك ترى كاسي امر منه ابد ما كان

تقول شلون خنتيني وكيف اغفر انا ذنوبك ؟

حبيبي ريح احساسك ذنوبي مالها غفران
انا مت بقهر حبك بعد ما بان لي كذبك

بعد ما شفتك معاها ومات بداخلي انسان

رجعت وكل جنحاني كسيرة وضعت انا عقبك

وصارت دنيتي كئيبة ما بها الوان
ومر الماضي في لمحة ومرني حبك

وصرت ابكي على قلبي ..ياليته لك ابد ما صان

وقلت اصبر واتحمل واجاري كذبك ولعبك

مشيت وسكتك ظلمة وصرت امشي بلا عنوان
وخنت احساسي وخنتك ..جرحت بقوتي قلبك

عطيتك درس ما اظن ابد يعيش بعالم النسيان

وشفت اليوم انا حزنك ..سمعت الحان من نحبك

وصرت اضحك على حبي ..عليك انت وعلى ما كان
بعد هذا انتهى دوري انا ماعدت ابي قربك

كفاية بسبتك قلبي رمى اخلاصه وراه وخان