خيانة

الخيانة من اصعب المواقف اللي يمر فيها الشخص

خصوصا اذا كانت من ناس لهم معزة خاصة بالقلب

وصعب فيها الواحد يحدد اي خيانة تجرح اكثر

خيانة الصديق

الحبيب

الاخ

وشنو نوع الخيانة اللي تضايق

لما تأمن شخص على اسرارك و تخليه يكون اقرب من نفسك لك واخر شي يطلع مو كفو

ولا الخيانة من الحبيب مع شخص اخر

ولا ولا ولا

الخيانة مفهومها واسع

وبكل المفاهيم

هي مؤلمة

.

.

.

انصدمت بخيانة صديقة لي

واحس في جرح بقلبي .. صج في ناس الواحد يعطيهم من قلبه بس اهمه ما يستاهلون

والمشكلة ان السؤال : ليش ؟

يدور ببالي وللحين ما لقيت له اجابة

لما تثق بشخص

وتقوله عن اتفه تفاصيل حياتك وتنصدم فيه بعدين بخيانة قذرة

يكون موقفك صعب

خصوصا اذا ما عرفت ليش اهوه سوا جذي

مادري ليش ودي لو اعرف ليش

يمكن عشان القى لها عذر عاللي سوته

يمكن يقنعني عذرها واصدقه واسامح

بس لما انا اسعى لهالشي

والصديقة اللي المفروض تكون صج صديقة مو هامها

هذا اللي يحز بالخاطر

ويخلي الشخص يراجع حساباته الف مرة ومرة

هل انا بسرعة اثق بالناس ؟

هل انا لازم ما اثق بأحد ؟

هل كنت غلطانة اني خليتها تدخل بحياتي ؟

اللي اعرفه او قمت اعرفه ان لازم ما اثق بأحد بسرعة

ولا افتح قلبي لأحد

واسراري و ضيقتي و اي شي لازم يكون خاص فيني انا وبس

وما اشاركه بأحد

لان الدنيا دوارة

وما في احد ينفع احد

وكل واحد يبي مصلحته

.

.

"سلام على الدنيا ان لم يكن فيها صديق صدوق صادق الوعد منصفا "