The End Of Affair

قله

اللي وصلني منه يكفيني عمر

كيف يبرى طعن سكين الغدر

قله ان كان لي عنده قدر

لا تلاقينا امام الناس يسلم

لا يبين اي حد منه متألم

لا يخلينا حكاية

كفاية ما جرى منه كفاية
_____________________

كل علاقة بين شخصين لما تنتهي تفتح جروح كثيرة

وكل واحد يبدا يحاسب الطرف الثاني بأنه السبب بانهاء حب جمعهم

ويبدا مسلسل الشتم و السب والتحقير

...

دايما الشخص يشوف نفسه ان اهوه المسكين واهوه الضحية وان الشخص اللي عاش معاه قصة حب هو الحقير والنذل والظالم

خصوصا اذا كان الطرف الثاني هو اللي تخلى عن هالعلاقة

وقليل من الناس اللي يحاولون يستفيدون من علاقة انتهت

علاقة ممكن علمتهم وايد اشياء زينة

علاقة ممكن غيرت نواحي كثيرة من شخصياتهم

_______________________________

شخصيا

عشت قصة حب

والحمدالله انها انتهت بالزواج

يعني المأساة اللي قاعدة اتكلم عنها ما عشتها

لكني عايشت قصص حب لناس اعرفهم

وكلهم بلا استثناء يكرهون الشخص اللي حبوه

استغرب من هالشي

لان عندي قناعة ان اي علاقة بالدنيا اذا فلينا منها لازم نستفيد من الاشياء الزينة اللي صارت

و السلبيات نحاول نستفيد منها بعلاقاتنا المستقبلية

ويضايقني لما اشوف شخص يذم بشخص عاش معاه احلى ايامه

عاش معاه قصة حب

عاش معاه عمر

واستغرب .. شلون هالشخص قدر ينسى اللحظات الحلوة ؟

وهل الشخص اللي حبيناه ما يستاهل ان نذكر له شي حلو ؟

برايي ان اي علاقة حب

اذا انتهت لازم تنتهي باحترام

لازم الشخص يحاول انه يحتفظ بالاحترام اللي كان بينهم بالعلاقة

صح في علاقات حب مافيها احترام وفي قهر وفيها وفيها

لكن مهما يكون

لازم الواحد يسامح وينسى

ويحاول ما يغرق نفسه بكره وحقد وذم

كل شخص له عيوبه

واكيد مثل ما الشخص عانى بعلاقة .. الطرف الثاني عانى بعد

..

حلو لما الواحد يشوف شخص كان على علاقة فيه ويذكره بالخير

و ادري نهاية اي علاقة فيها عوار قلب و جروح

لكن كل شي له حل

وكل مصيبة وراها راحة