سوء الفهم وسوء التفاهم
كثير من الشجارات اللي صايرة
تحصل بسببين
سوء الفهم
و
سوء التفاهم
*
*
كم من العلاقات و الصداقات دمرت بسبب هالشيين ؟
للاسف في ناس تحب تفهم غلط
تحب تستبق الاحداث و تحط تصورات مسبقة لكل موقف
تحب تحلل كل موقف بفكرها و لو شنو حاولت انك تفهمها وتشرح لها
تصر على فهمها
يعني انت تقولها يمين اهيه تقول شمال
*
*
*
هالناس للأسف انا للحين ما لقيت حل معاهم
وللاسف للحين قاعدة اعاني منهم
هالناس لو شنو حاولت تشرح لهم
ما يقتنعون
لانهم بحسب فكرهم السطحي فهم حللوا الموقف وعرفوا نواياك شنو
وعندهم سوء النية بكل شي
ماكو شي اسمه تقدير الظروف
==================
هذا بالنسبة لسوء الفهم
والحين بتكلم عنن السبب الثاني
سوء التفاهم
*
*
*
اخ من سوء التفاهم
طبعا هالشي عندنا مو موجود ابد لان الناس عندنا لما تتكلم
لازم تتكلم بهدوء
ومحد يحب يتعب صوته ويصرخ بدون سبب او هدف
التفاهم عندنا باحسن حالاته
لان لما نبي نتفاهم مع اي احد
نسمع اللي عنده للآخر
احنا لما نتفاهم عمرنا ما نسكر التلفون بويه الطرف الثاني لان رايه ما عجبنا
لان عندنا شي اسمه احترام الاراء
والاختلاف بالراي لايفسد للود قضية
طبعا انا اتكلم عن سوء التفاهم
مو لان هالشي منتشر عندنا
لا حشا
بس الاحتياط واجب
ما تدرون يمكن ناخذ هالعادة من " الغرب "
مو كل شي احنا نسويه غلط يكون من الغرب ؟
posted by PearL at
11:02 AM
8 Comments:
موضوع جميل وفى محله. نعم نحن جميعاً نعانى من اللى يحلل ويستنتج قبل ما يسمع الطرف الثانى وإذا تكرم وسمع له إكون القرار قد اتخذ مسبقاً ولا ينفع بح الصوت لتغيير هذا المفهوم. ويا شينه إذا كان هالطبع في رئيسك في العمل. خلاص أخذ عنك فكرة عمرها ما تتغير لو شنو تسوين. هؤلاء الأشخاص يبيلهم توعيه دينيه مكثفة حتى يعرفوا كيفية التعامل مع الناس ومتى يحكموا وكيف يحكموا. أما بالنسبة لسوء التفاهم نحن بالضبط عكس ما قلتى
للاسف في ناس تحب تفهم غلط
تحب تستبق الاحداث و تحط تصورات مسبقة لكل موقف
وااااااااااااااااي بالضبط بالضبط بالضبط .. :)
----
أما سوء التفاهم .. الحمدلله والشكر فيه ناس فيهم شي مو طبيعي بتركيبة بأسلوبهم !!!!
يعني على قولتج لأن مو عاجبني رايج اسكر الخط ابويهج!؟وين قاعدين ؟
بس نصيحه لا تسكتين لهم ووضحيلهم إنهم غلطانين بهالتصرف ..
بيررررل
ياشين هالطبععععع بس تدرين هيهيهيهي انا فيني هالخصلة بعض المرات ولكن الحلو فيني لمن افهم غلط او احلل الموقف بطريقتي الخاصة اصارح اللي جدامي
ابدا مااحتفظ بالافكار لنفسي ههههه
احب اشارك غيري يمكن غلطانة يمكن فيه شغله غفلت عنها
بس المصيبة باللي يفهم غلط ويخش بقلبه
هذا شترقعين فيه
ويمكن ببعض المرت يكون ظالمج وساكت ف جد حرام تخترب علاقاتنا عشان اسباب بسيطة ممكن نحلها بالمصارحه وشوية هدوء
موضوع وايد حلوو
دايما اقول حق الناس " وخروا عن سوء الظن ترى والله يخرب علاقات وااايد "
في ناس تعتقد أن لا أحد يفهم سواهم
وكل شي يفسرونه حسب فهمهم ووجهة نظرهم
خوش موضوع من كثر ما غطيتي من كل الجوانب
أحس ماكو شي أقوله بعد
al3in alsahera
اهيه السالفة ما يت بس على المدير
:):)
وكنت اتطنز بالنص الاخير
ريلاكس :
اي صح
هالاشكال ما تنعطى ويه كلش
مسوو :
الاعتراف بالحق فضيلة
شي حلو انج تعرفين هالشي فيج
بس مشكلة اللي ينكر
:)
سمايل :
صح
انا بعد دايما اقول
صفوا النية دايما
كيتي :
اي صح
حسن النية وايد مهم ومريح للاعصاب
تويتي :
اي صح بالضبط
في ناس محد يفهم غيرهم
ويفهمونها عالطاير
واللي فهموه اهوه المقصود
مشكورين كلكم عالمرور والتعليق
You have an outstanding good and well structured site. I enjoyed browsing through it Celebrex drug interaction ibuproffen Small payday loan Car corvette cover indoor
Very cool design! Useful information. Go on! Upskirt tennis
Post a Comment
Subscribe to Post Comments [Atom]
<< Home