مخ مقلوب
استغربت من تفكير احد الشباب لما قال انه مستحيل يتزوج وحدة كان يعرفها او كانت بينه وبينها علاقة يوم من الايام
فسألته سؤال عشان بعرف شنو طريقة تفكيره
قلتله : وشدراك ان اللي بتتزوجها ما عندها علاقات
استغربت من رده لدرجة اني احتقرته واحتقرت كل شخص يفكر بهالتفكير
قاللي بكل فخر : خل تكون اللي تكون بس المهم انا مادري عن علاقاتها
أي شيييييييي ؟!!!!!!!!!؟؟؟؟!؟؟؟؟
يعني عادي عندك وحدة تكون طالعة مع فلان وعلان ومسوية اللي ببالها
بس المهم هالشخص ما يكون انت
على وحدة مكلمتك وتدري عنها وفاهمها وتقولك عن اللي بقلبها
لمجرد ان هذي رضت انها تكلمك !!!!
بغيت اقوله اصلا احسن انك ما تفكر تتزوج وحدة جذي لان حرام عليها ترضى بواحد مخه جذي
معقولة في ناس تفكر جذي ؟؟
اللي قاهرني ان هالريال مثقف و وايد يحترمونه وحاطين له اعتبار ومسوي نفسه اهوه اللي عقله متفتح وفاهم الدنيا
ياربي
مادري ليش بحياتي اصادف ناس جذي
غير جذي ولد رفيجة امي يبي يتزوج وقاعدين يدورونله وحدة
سألتني مرة اذا كنت اعرف وحدة مناسبة بمواصفات قالتها لي
قلتلها ان في وحدة معانا بالدوام البنت قمة في الاخلاق
وكل المواصفات اللي تبينها موجودة فيها ما عدا شي واحد
البنت مسكينة تزوجت واحد حيوان تزوجها لمدة اسبوعين وبعدين طلقها لان ما قدر ينسى اللي كان يحبها قبل
جان تقولي
لا لا ماكو شغل ازوج ولدي وحدة مطلقة
اصلا انا ولدي يبي وحدة محد جايسها من قبل
لازم اهوه يكون اول واحد
!!!!!!!!!!
!!!!!!!!!!
وشدراج ان اللي بتاخذينها حق ولدج و مو مطلقة محد جايسها !!
خل نكون واقعيين
وايد بنات الحين يخربطون ويبدعون بس المهم ما تنفتح
يعني الحين هذيله احسن من وحدة متدينة وملتزمة وعارفة ربها
بس لمجرد ان تزوجها حيوان !!!
والمشكلة ان بنتها مطلقة !!!
وتبي تزوجها
يا ناس شالتفكير
======
لا تنزعج يا سيدي اذا انا كشفت عن شعوري
فالرجل الشرقي لا يهتم بالشعر والشعور
الرجل الشرقي - واغفر لجرأتي - لا يفهم المراة الا داخل السرير
نزار قباني
posted by PearL at
10:40 PM
32 Comments:
اول شي انا ضد هالتفكير تماما
لان من الممكن اتعرف وحدة وتكون معها فترة طويلة هذا كافي يخليييك تعرف اخلاقها خصوصا اذا اهي ماكلمتك الا تعرف ان انت انسان زيين
صراحة انا ببداية عمر الشبااب كان تفكيري مختلف تماما بس الحيين واايد اشيااء تغيرت
وهذا الشخص لو يطييح بحب حقيقي رااخ يغير رايه
وعجبتين ابيات نزار واايد
لان فعلا كثير من الرجال لا تهمه المرا الا بالسرير
ونسوا انا اساس السريير هو التوافق النفسي
واهو الي رااح يخلي هالعلاقة رائعة واذا ماوجد هالتوافق رااح يكون كل شي جاامد
وسوري على الاطالة
تسلم ايدج على هالبوست
بالضبط نفس تفكيري
بوست يبرد الجبد بس وين الي يفهم
nice post
nice thinking by your side
the problem is, el mawrooth el ejtimaa3i for men and by men
they are the ones who CLAP for men when they do what they do all the time
unless society in general stops the gratification to men's actions in this subject, we still would be facing the same mentality thinking by some men
again.. it is the "Na3aaam" theory.. i don't know, i don't see, i don't care
عنوان البوست يكفي تعليق على النوعيه اللى ذكرتيها
هذا تفكير قديم ،، ما اتزوج وحده اعرفها ،، زيين ليش ؟؟
بالعكس طبعا الواحد لما يعرف البنت قبل لايتزوجها راح يعرف كل شيء عنها وكل طبعها واخلاقها وهذا الشيء يساعده وااايد بعد الزواج
بس تصدقين هذا يستاهل وحده لعووب تكون عندها علاقات واايد قبل الزواج بس اهو مايدري عنها
على شان يمكن يغير رايه
شكرا عالمقالة,,
بس للأسف هذا تفكير اغلب شباب اليوم.
وااااى اكره واحد جذي ليش يعنى ونت شضمنك الى ماتعرفها مسويه البلاوى بس عشان ما تعرف ماضيها والى اتعرفها وامنتك على كل شئ اهى الى مو زينه انا حدى انقهر اذا تناقشت مع واحد جذي صج اتنرفز
ابيات حلوه يعطيج العافيه
عيل انا طلعت رايح فيها:))
بس خل اقولج فى ناس تفكر جذى وتخاف وتحسب اختيار الوالدة اهو الافضل
بس انا يوم قلت باتزوج قلت مالك امل اتزوج وحدة ما اعرفها والحمدالله كانت نيتى نظيفة
والطيبون للطيبات :)
One of the best posts iv red, u really have a point .. But it’s nothin new these are arabs i mean arab men, no offence sum of them do have a great mentality but on the other hand sum don’t .. thx for mentionin such a topic
او مثل ما قال مشاري الطيبون للطيبات
بس المشكله هالايام وايد نسمع عن وحده توها متزوجه ترد من شهر العسل اتطلق, بعد شهر اتطلق او حتى توها مالجه او ما جاسها واتطلق .. او بس محد يبيهم لانه غالبا يكون الافتراض ان اهيا اللي فيها العيب او شى جذى !! على قولت سعاد عبدالله عالم ثالث هيههه no offence ppl I apologize for sayin what iv said ! (^_^)
ماشي .. كلامج عدل
والشخص اللي تتكلمين عنه اقدر اوصفه بكلمة وحده
دثوي
لكن السؤال : لو افترضنا ان الافضل الواحد يتزوج وحده يعرفها .. وما يعمد فقط على كلام الناس واختيار الوالدة .. شلون يقدر يعرفها ؟ هل مثلا فترة الخطوبة العادية ؟ هذي موجودة في كل الزيجات
يكلمها بالتلفون ويطلع وياها ؟
عداج العيب اختي .... و على قولة المصريين اللي تعرفو احسن من اللي ما تعرفوش
عشاااااااان اقدر ابرد قلبي
برررررررررد عليج في ايميل
ما اقدر مع احترامي الشديد لكم كلكم اقووووووووول الي بقلبي
في كومنت
بس انا ما اقوووووول
الا كويتين
مخهمممممممممممممم
...............
لا تعليق
و على طاري بيت نزار قباني
يا حبيبتي الريال اذا اششششششغل الي فوق وقفف الي تحت و اذا اشششتغل الي تحت وقف الي فووق
واحد فيهم يفكر بسسسسسسسسسسسسسس
و غاليا غاليااااااااا
ريايلنا معطين الي فوووووق راحه تامه
كل شي راح يتغير
إلا العقلية الاجتماعية
خصوصا فكرة الرجل الشرقي
للأسف مرات ومرات
إن نظرة مجتمعنا للشرف بس في غشاء البكارة
وآسف على هالكلمة
لكن ياما بنات انفض غشاؤهن لكنهن أكثر شرفا من أخريات
عرفت البنت أو ما عرفتها
كانت بينا علاقة أو ماكانت
أيا كان نوع العلاقة
المهم التوافق
والموضوع طويل
--------
لوير
ليش التجني على الشباب
؟؟
بعدين شنو المقصود
اذا اشتغل اللي فوق وقف اللي تحت
؟؟
ودمتم بحب وود عميقين
This comment has been removed by a blog administrator.
awal shai thnx 3ala el post,
wayid maraw 3alai awadim chithi .. mara elli 9a3agni 9ij ini sima3t hal jomla men bnaya " laish mdama'3a ana 3ashan a'7th wa7id a3arfa .. 7g elf'6ayi7" o lama estafsart menha 3an ma3na el "f'6ayi7" galatli "a'7af bs eb yathig fini 3igob ma kalmata" @@
m5o5 m9ayna ! laish etikilim men el asas etha chithi tafkerkom ..
elmoshkila ina fe fi2a men elshabab o 7ita el banat ey9anfon el jins el a'7er ta9neef mo3ayan we3amemon .. jomlat" mkalmatni akeed mkalma '3iri" oo "7abni bi7ib '3eiri" mojarad in3ikaas le sha'79iyaat esmo7oli momkin tkon troubled/ me'96arba aw enha t3ani moshkila bel thiga ..
oo itha el wa7id tafkira chithi laish y7awil ysawi 3ilaga ma3a el jins el a'7ar men asas ?
kafi na'6rat el mojtama3 elli ma tir7am, halnoob ba3ad el insaan elli im expecting ina ykon my spouse yfakir/tfakir chithi @@ !!
:) salamz
وي شكثر نسمع عن واحد يقعد يحب بالبنت بالسنين ولما يبي يتزوج يروح لأمه :)
تناقض موطبيعي
يعني الحين البنت اللي بتاخذها عن طريج أكيد مو عارفه قبلك؟؟
تدرون
لو المسأله فيها شوية ذكاء صدقوني المفروض بهالزمن الواحد ياخذ وحده يكلمها ليش ؟؟
لانه هالزمن يخرع واذا اخذت بنت ما تعرف عن حياتها اي شي قبل راح يكون مغفل
مثل رفيجتي كانت تحب زميل لها بالدراسه وكانت قمه بالادب لكن ما لما لزم يتزوج اختار وحده عن طريق اهله
وحجته ان ربعه بالجامعه والناس يدرون انهم على علاقه
الشي اللي يضحك ويبجي
ان البنت اللي اخذها نعرفها :)
وللاسف كانت بتاعت رجاله درجه اولى وهوه مدمق عباله ماخذ وحده صفحه بيضا
سوري مو قصدي اتكلم عن البنت اهيا اكيد تابت والله ستر عليها وتزوجت
انا اعترض على تفكير هالشباب
صدقوني اللي تعرفونها راح تكون واضحه
والنظيفه تبين
واللي مو نظيفه هم راح تبين
عموما
نرجع لمسأله ان كل شي نصيب
tresten :
لا عادي شدعوة اي اطالة
بس ماعتقد ان الشخص اللي تفكيره جذي الحب يقدر يغيره
لان اللي تفكيرهم جذي عندهم ان الحب شي و الزواج شي ثاني
reflection :
:) اي والله وين اللي يفهم
the simper :
المشكلة ان المجتمع مجتمع ذكوري و اهم شي فيه راي الريال
بالضبط اذا الريال سوا اي شي الكل يصفق له و يعتبره البطل المغوار
بس تفكيرهم حده جاهلي
معفن
7osen :
الله ما يطق بعصا
وكل واحد يحصل شريك حياته على قد نيته
واللي ظلم راح ينظلم
بوحسين :
صح
للاسف هالتفكير حده منتشر
lulu
اي النقاش مع شخص جذي حده ينرفز
لان شبتقولين حق واحد جذي يفكر
مشاري :
انا ما قلت ان الواحد لازم ما يخلي الوالدة تختار له او يتزوج عن طريق الوالدة
لكن قاعدة اقول عن الرياييل اللي عندهم علاقات وعايشين الدور انهم رشدي اباظة ومسوين سوالف حب وغراميات
اخرتها يعلق بنات الاوادم ويقولها انا مابيج زواج لان دام انج كلمتيني شدراني انج كلمتي غيري
في وايد يتزوجون عن طريق الاهل لان ما عندهم علاقات او انهم ما لقوا الوحدة اللي تناسبهم
وهالشي مو غلط
بس غلط التفكير نفسه
والله يوفقك :)
ام النمل :
ثانكس حبي
بالضبط
عالم ثالث
تفكير معفن مخ مقلوب
expactriet :
انا ما اقول الواحد لازم يتزوج وحدة يعرفها
و زواج الاهل ما فيه شي
انا اتكلم عن اللي يكون علاقات و يعلق بنات الاوادم فيه
بعدين يطالعهم بنظرة دونية انهم مايصلحون للزوج لمجرد انه عرفهم
ابواسحاق
بالضبط اللي نعرفه احسن من اللي ما نعرفه
لوير :
اخذي راحتج هني ولا الايميل
بس ترى مو كل الرياييل جذي
بس في رياييل وايد مخوخهم عوية
هذا اقل شي اقدر اقوله عنهم
سلوقا بلوقا :
هذي المشكلة
انهم قاعدين يتطورون بكل شي الا العقلية
هذا اهم شي لازم يتطور
بعدين الاشياء الثانية
بس طول ما اهمه على عقليتهم هذي
ما راح يتقدمون بولا شي
ومالهم لزمة بالاساس
the voice within
اول شي ثانكس على الكومنت
ياربي مادري ليش التفكير هذا موجود
عيل شنو الهدف من العلاقات اذا ماراح تكون نهايتها زواج ؟؟
q8doll
بالضبط هذا اللي قاعد يصير
الله يبلي وما يطق بعصا
وايد اللي تفكيرهم جذي
ويحسبون الشرف لهم بس !
عموما الرجل الشرقي فيه روح التملك والشك !!
مادري تركيبته غريبة بصراحة
بس هذا ما يمنع في ناس زينين وتفكيرهم نظيف
وكل من يرى الناس بعين طبعه وإلا شرايج
بيرل موضووووعج إينن وأحلى موضوووع قريته هالاسبووع جد يحر ويحر حييييل !! وايد مروا علي شباب تفكيرهم جذي للأسف يقووولج انا ألعب واخربط عادي بس ماتزوجها اقووله انزين انت على كثر ماخربطت يمكن الله يبلييك بوحده مخربطه يقوولي لا انا باخذ وحدة دينة إنزين مو كل دينة دينة !! ويمكن ماكانت دينة وتدينت او انت ماتدري يعني شنو هالتفكير ومنو هالدينة اللي بتاخذك وانت مبدع بعمرك !! يعني مادري شلون صايرين وهذا اللي قالج عادي تكون مسوية بلاوي بس انا مابي اعرف ماضيها سوري بس هذا مايستحي على ويهه
مابي أظلم الكل لان في شباب تفكير زين وحتى في بنات ترا يفكرون جذي تقولج عادي اكلمه بس مابي أتزوجه أبي آخذ واحد ماعرفه ..
وبالنسبة للطلاق للأسف اتوقع أكثر اسبابه الدلع الزايد من قبل المرة والريال وانهم ما يعرفون ومت تعلموا يضحون للأسف ومافي عندهم صبر أبدا ودايما يطالعون غيرهم وفي عوايل ما يعطون عيالهم فترة للتعارف .. صدقووني فترة التعارف بين الزوجين اللي مايعرفون بعض جدا ضرورية على الأقل 3 شهور قبل الملجة طبعا بعد ما تشوفه ويشوفها ببيت اهلها وينعجبون ببعض يخطبها رسمي ويكلمها بعلم اهلها ويشوفها طبعا ببيت اهلها مو بره .. هالفترة وايد مهمة
وآسفة حبوبة على الإطالة
Post a Comment
Subscribe to Post Comments [Atom]
<< Home