mix emotions

الحب من اجمل الاحساسيس اللي الواحد يحس فيها

هالجملة قريتها في بوست سابق بمدونة الزميلة

Purplecious

=

البعض نحبهم لكننا لا نجد صدى لهذا الحب
في قلوبهم
فننهار و ننكسر
و نتخبط في حكايات فاشلة
فلا نكرههم و لا ننساهم
ولا نحب سواهم
و نعود نبكيهم بعد كل محاولة فاشلة

=

حالة مدمرة للي يحس بهالشعور

مو دايما الشخص اذا حب راح يلقى نفس الشعور

ومو كل قصة حب نهايته سعيدة

مو هذا اللي بتكلم عنه

اللي كاتبه الموضوع عشانه حالات التخبط اللي يعيشها الواحد عقب الصد

التجارب اللي يعيشها عشان ينسى

اغلب الاشخاص يحاولون ينغمسون بالعلاقات

كل ما صارت له فرصة يكون علاقة راح يكونها

والنهاية

يكتشف ان ماراح يقدر ينسى

شعور صعب للي يحب من قلبه

وشعور اصعب اذا كانت هالعلاقة اهيه اللي خلت قلبه ينبض

حالة راح تستمر مع الشخص فترة طويلة وايد

راح تخليه يظلم وايد ناس فيها ومنهم نفسه

لانه راح يقارن

كل ما بدا علاقة راح يقارن الجديد بالقديم

و لو شنو كانت مميزاته

الحبيب له الافضلية

لكن الاكيد انه راح ايي وقت

العقل راح ينتصر على القلب

لان القلب راح ينعدم نبضه

=======

===

=

=======

===

=

وبنفس المدونة ونفس البوست هالجملة لفتت نظري

=

البعض نحبهم لكن لا نقترب منهم فهم في البعد أحلى
وهم في البعد أرقى
و هم في البعد أغلى

=

قاعدة اكتب هالبوست لاني اكتشفت ان مو كل قصة حب هي قصة حب

مو كل قصة حب لها نفس الخيارات

مو كل قصة حب لازم تكون بين اثنين مع بعض

هالحالة بنظري اشوف ان ميؤوس منها اكثر من سابقتها

يمكن لان الحب موجود

لكن الراحة مو موجودة

يمكن لان الشخص راح يعيش حياته مرتاح مع شخص ثاني

لكن كل ما سنحت له الفرصة راح يرجع بذكرياته مع الحبيب

حالة ميؤوس منها لانه راح يظلم نفسه ويظلم غيره

لان حب من قلب

بس ماقدر يرتاح

مو دايما الحب والراحة يجتمعون

لان في ناس اهمه في البعد

احلى

وارقى

واغلى