خالد سلطان و مسرحيته الفاشلة
بمناسبة توقف الحركة المسرحية في البلد
تكرم خالد سلطان العيسى ( حفظه الله ) على قولتهم ( ليش يقولونها ربعه ؟؟ مادري !! )
امين عام الحركة السلفية في الكويت بادخال البهجة الى قلوبنا بمسرحية فكاهية نقلت صورها الجرايد
حيث عرضت هذه المسرحية في الساحة المقابلة لادارة الانتخابات
مشاهد من المسرحية :
1- خالد السلطان يروح يصلي الظهر في الشبرة المقابلة لادارة الانتخابات ( ليش رايح يصلي هناك بالذات ؟ مادري !!)
2- احد المشاركين يحاول سحب الجنسية من الجيب العلوي لدشداشة خالد سلطان ( ليش حاط الجنسية بالجيب ؟؟ مادري !! )
3- مشارك اخر يحاول يسحبه من ايده علشان يسجل ترشيحه وخالد سلطان يرفض ( بس شلون وصل من بيته لهناك ؟؟ مادري !!)
4- نهاية المسرحية
مدير الادارة يغلق الابواب و يقول حق المشاركين يللا يلا بره ( حسب ما ورد في جريدة الوطن )
posted by PearL at
11:12 PM
4 Comments:
اول شي من خالد السلطان
:)
لان خلاص تعلموا يترسون الجرايد مسرحيات و الناس تصدق و تستمر في شراء
هالجرايد
كل مازادت المسرحيات كان البيع اكثر
عرفتي ليش الحين ليش هالمسرحيات بالجرايد
بس للعلم ترا اهي المسرحيه من حبكه الجرايد
انا الي اعرفه ان اهو رايح و مجهز نفسه
بس ياله اتصال على الاخير
و قرر ان ينسحب
ليش ما قالو هالمسرحيه حق الناس
و الا مسرحيات الشعب يتفننون في سيناريوهاتها
و مسخره الحكومه يطمطمون عليها
سمايل :
حياك الله بالمدونة
خالد سلطان امين عام الحركة السلفية بالكويت
لوير:
لي متى هالتبرير
والتعامي عن الحقائق
شنو يعني قرر ان ينسحب بعد ما ياله اتصال
والاتصال من منو يبي اييله اذا اهو زعيم السلف بالكويت
والاتصال ما ياله الا في اخر لحظة لما وقف على باب ادارة الانتخابات
وترى معنى كلامج ان قراره مو بايده
و في جماعات تسيره بالتلفون
شلون عيل يكون امين عام الحركة السلفية ؟؟
ما سألتي نفسج عن اسباب احتكار الدائرة الثالثة. تلك الدائرة التي ينعدم فيها التنافس. تلك الدائرة الوحيده التي نعرف بل نوقن نتائجها بشكل واضح. ارجو ان تبحثي عن سر الدائرة الثالثه.
شكراً
Post a Comment
Subscribe to Post Comments [Atom]
<< Home