القيادة اخلاق

اتوقع العنوان حيل واضح

مثل ما الانسان بتصرفاته و طريقة كلامه يبين عن اخلاقه و طريقة تربيته
انا اشوف ايضا القيادة تدل على اخلاق الشخص

ممكن تبين ان الشخص اناني
الشخص ما يهتم بغيره
شخص يهتم باحساسيس غيره
شخص محترم
شخص غير محترم

بصراحة اكتب هالموضوع وانا اعاني منه اشد المعاناة
قبل ما اسوق كنت انسانة هادية و ابعد ما يكون عن الغضب
لكن اللي يصير بالشارع شي غير طبيعي
ناس ما تحترم
ناس عبالها الشارع شارع ابوها
ناس ما تحط لك حساب

استغرب لما اشوف سيارة ماخذة اقصى اليسار وتمشي على 80
انزين يا عمري اذا انت وايد ملتزم بقوانين الشارع
التزم فيها عدل
لان مكان سيارتك غلط
اللي يبي يمشي على 80 عالخط السريع المفروض ما ياخذ يسار
والمشكلة انك تدعي يارب يشوفني عشان اترك له و يوخر
بس اهوه ولا بالبال

و المشكلة الاكبر الهنود و الحريم
يالله .. استغفر الله لما اسوق بالشارع احس الذنوب تتحذف علي من كثر ماا اسب

يا مراة يا هندي
ترى في ناس غيركم بالشارع
يعني مو بس انتوا الناس الوحيدين
يعني انتبهوا منو وراكم منو يمكم
احد يمكن يبي يلف
احد يبيك توخر من طريجه
ماكوووو استيعاب كلش
و فوق هذا يتكلمون بالموبايل

يعني عمركم ما دريتوا ان الموبايل من اهم اسباب الحوادث
و انتوا بروحكم ما تفتهمون بالسواقة
تتكلمون ليش ؟؟!!!!

و المصيبة الاكبر في مواقف السيارات
يالله
الكويت بروحها تعاني من مشكلة مواقف السيارات
كليات مافيها مواقف سيارات
جمعيات مافيها مواقف سيارات
مجمعات مافيها مواقف سيارات
مستشفيات مافيها مواقف سيارات

و فوق كل هذا اييلكم واحد راهي ما يستحي ويسفط مكان سيارتين
انزين لهالدرجة ماكو حيااا
ما تشوف الزحمة !! ما تفكر ان في احد ثاني مستعيل و يبي موقف

واللي ينرفز بعد مرات بعز الزحمة
واحد يلقى له مسفط
بس ما يبي يسفط نفس الاوادم
الا يبي تكون واجهة السيارة للشارع
يعني سافط لورا

و نقعد ننطر
وتطلع وحدة اصلا غشيمة بالسياقة
والا تبي توقف جذي
انزين استحي شوي
تشوفين الزحمة اللي وراج
وتقعد ترد قري ما تضبط معاها السفطة
وتطلع وترد
لين واحد يتكرم و يقولها نزلي من سيارتج خليني انا اسفط

ناس ما تستحي

لدرجة اني قررت اني اشتري الستيكرات الصفر اللي يلزقون
واحطهم بالسيارة عشان اي احد واقف غلط
بحط على سيارته " القيادة اخلاق "

لانها فعلا تدل على اخلاق الواحد
احترموا غيركم عشان يحترمونكم

وبليز اذا احد لقى ستيكر اصفر على سيارته
لا يشتكي علي يمكن احد مقلدني
:)))))