اعطني حريتي و اطلق يديّ

جربت مرة من المرات اني امارس احدى هواياتي
الا وهي التصوير الفوتوغرافي

تمشيت على البحر و خذيت جم صورة
واستغربت من النظرات الساخرة
المستغربة اللي قاعدة تتوجه صوبي
اعترف اني قاعدة اسوي شي غير مألوف
لأن المألوف في هالبلد القزز وبس
اما ممارسة الانسان هواية تسعده في الهواء الطلق
فهو شي مستنكر

للأسف
الشخصية الجبانة في داخلي ظهرت
وانسحبت وركبت سيارتي ومشيت


احب الحرية
بل اعشق الحرية

لكننا في مكان غير المكان اللي المفروض نكون فيه
بين ناس يحبون الثرثرة
عن كل شي وعن ولا شي
مجرد انهم يتكلمون عن الناس

بعذر عادات و تقاليد

انا من الناس اللي حيل احترم العادات و التقاليد
لكن لما تكون في محلها
لما تكون مقنعة

لازم ما نحرم شي و اهوه حلال

اختنقنا نبي نعيش

نبي نتنفس
دام ان مو قاعدين نسوي شي غلط ليش تحرمونا
وليش تقيدونا بكلمة الناس شتقول
واحنا مالنا ومال الناس

يتكلمون من الحين لباجر
راح يلقون احد غيرنا ويتكلمون عنه وينسونا
لكنا احنا سوينا اللي نبيه
واستانسنا واحنا نستمتع بلذة التجربة
والمغامرة و الحرية

انا ضد الحرية اللي تتعدى الخط الاحمر
ضد الحرية اللي تعارض العقل و المنطق

لكني من اشد المؤيدين اذا ما في شي يمنع

ليش ما نقدر نعيش حياتنا على راحتنا

اعترف اني مرات كثيرة
اذا ما كان يوميا اني افكر بالهجرة
اهاجر لأمريكا
بلد الحرية

لكن هالشي صعب
فأنا اعشق بلدي
اعشق الكويت

وما اتحمل اني اعيش بدولة غيرها

خلونا نعيش
العمر ما نعيشه الا مرة وحدة