ليش ؟
هالاسبوع كان كله بالاحداث
مو عاجبني كلش هالاسبوع
واللي تأكدت منه ان اذا المشاكل راح تيي
تيي مرة وحدة
بيوم واحد
بساعة وحدة
رؤوس اقلام :
* مو عاجبتني نتايج الانتخابات كلش
* بساعة وحدة .. كنت طالعة وضيعت الطريج و سيارتي اختربت و تلفوني كان مقطوع .. في حظ أردى من جذي ؟
-------------
نرد على موضوعي الدائم الحب
ليش الواحد ما يحس بقيمة الشيء اللي عنده الا اذا فقده
او اذا حس انه راح يفقده ؟
ليش الواحد يكابر على شعور يحس فيه ؟
وليش في ناس مستعدة تخسر اللي تحبه عشان ما تبي تتنازل ؟
ليش اذا الشخص حس انه مو مستانس مع شريك حياته
ما يقدر يتخذ خطوة للتغيير ؟
ليش يرضا على نفسه يكون خاين بدل ما يكون حر ؟
ليش ما نعامل الشخص اللي نحبه مثل ما نبيه يعاملنا ؟
ليش بالحب ناخذ و ما نعطي وبالاخير في أي مواجهة دايما نشتكي ان احنا نعطي وما ناخذ ؟
وبالاخير
ليش محد يعرف شنو تعريف الحب ؟
posted by PearL at
12:06 AM
4 Comments:
تدرين ان الاسئلة الي طرحتيها
محتاجة دقاايق صمت قبل الجواب
ليش نرضى نخون بدل الحرية
وليش مانقدر نغير الشي الي مانبيه
والحب هو انك تتقبل الشخص الاخر بكل الطرق
ماتمل منه
الوقت بقربه ثواني سريعة
وتنسى كل شي وتهده من خاطر تجابل عيونه
ماتقدر تتمسك باي شي ثاني غييرهاا
شخص كل ماتشوف شي حلو يصغر بعيوونك علشاانه
شخص الاحساس له يطلع من الاعمااق ماتدري من اي صووب
من كل جزء فييك
واايد اشيااء اعجز عن التعبيير عنها
مادري والله بس الي اعرف انه امبي اسالتج يت مثل السجين بقلبي
ليش صدقيني مادري
:'(
salamz sis...
مرحباً
أسألتج بيرل وايد صعبة
الحب ممكن يتغير
هذا الشي انا صرت مؤمن فية
صعب تلقى إنسان يحب دائماً وأبداً
موجود بس صعب تلقاه
فلا تستغربين إللي يحب اليوم بكرة يكرة
واللي يوفي اليوم بكرة يخون
واللي قلبة مرتاح اليوم
بكرة يتعذب ويتألم
هذا قانون الحب
الشي اللى محد يعرف تفسيرة أبداً
-------
إذا عرفتي تعريف للحب قوليلي
ترى انا محتار فيه
ليش احس بوستاتج صايرة فيها اسألة مؤلمة ؟
اصدقين بيرل انا بديت اقتنع وافكر فى هالكلام جد ان الحب
LOVE -- is a trick of the Heart to Fool the MIND!
شرايج ما اتحسينه صح !
بوستج عور قلبى
:/
Post a Comment
Subscribe to Post Comments [Atom]
<< Home