الغرفة السرية

هي ممكن تكون غرفة
ممكن تكون صندوق
ممكن تكون خزانة
او جنطة

يحتفظ فيها احد الزوجين وغالبا ما يكون الزوج فيها بأوراقه المهمة
اشياء لها خصوصية

احيانا تكون بس اوراق البيت و الاوراق الرسمية المهمة
وممكن تكون فيها مشاريع من الشغل واوراق شغله وتقارير

و في كثير من الاحيان
تكون اشياء ثانية و تكشف عن غرامياته وعلاقاته سواء حاليا او ايام مراهقته ..الخ




برايي ان الشخص يحب يحتقظ بخصوصيته
وكل شخص يحب يحتفظ بذكرياته الخاصة فيه .. وحتى لو كانت ما تعنيله حاليا
لكن بين فترة وثانية الشخص يحب يرجع للماضي بدون مراقبة الشريك

لمجرد انه يحب يعيش باللحظات اللي تذكره بمغامراته و طيشه

انا ما اقول ان هالشي صح
لكن اعذر هالشخص

لكن شلون لازم يكون تصرف الزوجة

برايي انها لازم تحترم حرية زوجها بحدود
اي بمعنى انها ما تخليه على راحته عالاخر وبنفس الوقت ما تصك عليه

يعني من حقها تعرف شنو الاشياء اللي خاشها عنه ولازم تكون في ثقة بين الزوجين
ولازم الزوج يقولها شنو يخش عنها حتى لو بحذر

لكن التفتيش من ورا الزوج
و الشك و الافتراضات اشياء مالها معنى ولا داعي
وراح تخرب الحياة الزوجية وما راح تعدل فيها ولا شي