هل اصبحنا بهذه التفاهة ؟

العلاقات الانسانية بكل اشكالها

علاقة اب بابنه ام ببنتها اخ واخته صديق وصديقه حبيب و حبيبته زوج و زوجته

كل العلاقات مهمة للانسان و المفروض يكون لها قدسية

الناس يعيشون مرة وحدة .. على شنو هالنجرة والخلافات وطقني واطقك

هل اصبحنا بهالتفاهة ان على اقل سبب او اقل شي نتخلى عن علاقات بعضها استمرت لعدة سنوات عشان كلمة او جملة ويمكن حتى شي سمعناه من ناس مالهم شغل بالسالفة شنو يعني الواحد يهد اهله وما يدري عنهم عشان الابو او الام بحسن نية حبوا ينصحونه واهوه ما تقبل ؟

شنو يعني الوحدة تطلب الطلاق من ريلها عشان مدح فلانة او علانة ؟شنو يعني الاخو يتبرأ من اخوه عشان عيالهم تهاوشوا ؟اشياء سخيفة قاعدة تصير و تتحول من شي تافه لشي حيل كبيركل الاشياء قاعدة تصير من الحبة قبة نجرة و صراعات و خلافات عشان ليش فلانة ما عزمت بنتي على هالمناسبة وعزمت بنت فلانة عليها

ليش ابوي عطى حق اخوي مبلغ ( والاخ صج محتاج )و ما عطاني انا .. ليش يفرق بيننا

ليش على اتفه الاسباب كلمة طلقني او انتي طالق على لسان المتزوجين ؟ليش الواحد يخون رفيج عمره على اتفه الاسباب ؟هل العمر يسوى انه نضيعه بهالتفاهات

بهالعقلية الصغيرة

هل العمر راح يتكرر عشان اخسر ناس احبهم وعلاقات اعزها عشان اشياء سخيفة وتقدر تنحل لو كبرنا عقولنا ؟