صدق او لا تصدق

صدّق أو لا تصدّق

كل ما انقفل درب انفتحت أبواب

صدق او لا تصدق

لو فيه احد طيّب .. للطيبة أسباب

صدق او لا تصدق

قليل من يعفي ويسامح .. كثير وده ينتقم بس ينتظرله وقت سانح

صدق او لا تصدق

القناعة كنز يفنى ولو كل من ياخذ قنع .. وكل من ياكل شبع كان الفرح غطى شوارعنا

صدق او لا تصدق

كل النهايات البداية .. وأحلى البدايات النهاية

وكلنا رغم القساوة الظاهرة .. نبكي قدّام المراية

صدق او لا تصدق

به مطوّل لحيته .. والثوب يلمس ركبته وما قرا في الشهر آية

صدّق .. ان الشعر صدقه .. اعذبه

ودي احكيلك حكاية وقبلها ابغى لسؤالي اجوبة المال هذا هو وسيلة والا غاية ؟!لو ماهو غاية .. ليه الحروب ؟ .. ليه السلام اللي تمناه الشعوب ؟ليه الحسد يملى القلوب ؟وليه الفقير المُعدم الكادح .. بهجته تملى الملاح لامن لقى ذاك الثري يعطي هاذيك المطربة مليون

ابغى لسؤالي اجوبة ...ليه البر والتقوى .. مليان في جرايدنا ؟!وليه هموم هالشارع ؟! .. بعيده عن قصايدنا ؟!ليه الفساد .. ليه الكساد ؟!وليه الحروب ؟! .. وليه الحسد مالي القلوب ؟!وشهو الجواب ؟!اتمنى انه مايكون المال هذا هو وسيلة ماهو غاية هذي الكلمة النبيلة .. اخترعها أغنيا لجل مسكين ٍ شقى .. يرضى بقليلة

وصدّق انت او لا تصدّق

ماني الشخص المثالي .. كل مافي الأمر اني شاعر ٍ ماهو يبالي كان صار اللي اقوله علقم ٍ او صار حالي كل مافي الأمر اني استريح .. لا مشا بي مركبي عكس اتجاه الريح وما ابرّي من الخطى نفسي ..واللي اجاهربه مثل همس يصدّق اني ماني الشخص المثالي كل مافي الأمر اني اجمع احساس الحواري وسط صدري وانقل الواقع لشعريكل مافي الامر اني شاعر ٍ مطرود من جنة خيالي صدّق اني ما قصدت اني اكون صوت للي مايبون

صدّق اني ماني الشخص المثالي

والا تدري لا تصدّق